جابدىقتاردىڭ توزۋىنا بايلانىستى باسقا دا اقاۋلار تابىلدى.
ۇكىمەت باسشىسىنىڭ ايتۋىنشا، وتكەن جىلىتۋ ماۋسىمىندا اپاتتاردىڭ سانى ايتارلىقتاي وسكەن، دەپ حابارلايدى Almaty-akshamy.kz ۇكىمەتتىڭ رەسمي رەسۋرسىنا سىلتەمە جاساپ.
سونىڭ كەسىرىنەن ءتىپتى ءىرى قالالاردىڭ وزىندە جىلۋ ەنەرگياسىنىڭ جەتپەي قالۋىنان ورتاشا تەمپەراتۋرانى تومەندەتىپ بەرۋگە تۋرا كەلدى. نەگىزگى جابدىقتاردىڭ توزۋىنا بايلانىستى باسقا دا ينفراقۇرىلىمدىق اقاۋلار ورىن الدى.
«مۇنىڭ بارلىعى تۇرعىنداردىڭ ورىندى نارازىلىعىنا الىپ كەلدى. كەيبىر وڭىرلەردە كومىردى ۋاقىتىلى جەتكىزىپ بەرۋ پروبلەماعا اينالدى. بۇل - جىل سايىنعى جۇيەلى جۇمىس. وندا ەشقانداي ىركىلىستەر مەن كەمشىلىكتەر بولماۋى ءتيىس ەدى»، - دەدى پرەمەر-مينيستر.