ەلىمىزدە توتەنشە جاعداي قاتەرىن ازايتۋ ورتالىعى اشىلادى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
كەلىسىم توتەنشە جاعدايلار جانە دۇلەي ءزىلزالالاردىڭ قاۋىپ-قاتەرىن ازايتۋ جونىندەگى ورتالىقتىڭ قازاقستان اۋماعىندا بولۋى جانە جۇمىس ىستەۋى ماسەلەلەرىن رەتتەۋدى كوزدەپ وتىر.
كەلىسىمگە سايكەس، ورتالىقتىڭ مۇلكى مەن اكتيۆتەرى اكىمشىلىك ارالاسۋدىڭ نەمەسە سوتتىڭ ارالاسۋىنىڭ كەز كەلگەن نىسانىنان يممۋنيتەتتى پايدالانادى. بۇدان باسقا، ورتالىقتىڭ ءۇي-جايلارى مەن كولىك قۇرالدارى، سونداي-اق ونىڭ ارحيۆتەرى مەن قۇجاتتارى، ونىڭ ىشىندە قىزمەتتىك حات-حابارلارى قاي جەردە تۇرعانىنا قاراماستان، تىنتىلۋگە، رەكۆيزيسيالانۋعا، تاركىلەنۋگە جانە ورتالىقتىڭ قىزمەتىنە كەدەرگى كەلتىرەتىن كەز كەلگەن باسقا ارالاسۋ نىسانىنا جاتپايدى، - دەپ اتاپ ءوتتى سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى اسقار شاكىروۆ.
ءتيىستى قۇجات پرەزيدەنتكە قول قويۋعا جىبەرىلدى.