2024 جىلى الەۋمەتتىك قىزمەتتەر پورتالى ارقىلى مۇگەدەكتىگى بار ادامداردىڭ 1،1 ملن-نان استام تاپسىرىسى ورىندالدى.
ونىڭ ىشىندە: وڭالتۋدىڭ تەحنيكالىق قۇرالدارىنا شامامەن 974،6 مىڭ، ىمداۋ ءتىلى قىزمەتتەرىنە 8،8 مىڭ، جەكە كومەكشىنىڭ قىزمەتتەرىنە 27،1 مىڭ، ساناتورييلىك-كۋرورتتىق ەمدەۋ قىزمەتتەرىنە 99،9 مىڭ تاپسىرىس، دەپ حابارلايدى aqshamnews.kz.
پورتال مۇگەدەكتىگى بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرىن ءوندىرۋشىنى جانە جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەك تۇرىنە تاپسىرىس بەرۋ كورسەتىلەتىن قىزمەتتى الۋشىنىڭ ەلەكتروندىق سيفرلىق قولتاڭباسىمەن راستاۋ ارقىلى جۇزەگە اسىرىلادى. تاپسىرىس بەرىلگەن وڭالتۋدىڭ تەحنيكالىق قۇرالدارىن جەتكىزۋ نەمەسە ءوز بەتىنشە اكەتۋ ارقىلى الۋعا بولادى.
مۇگەدەكتىگى بار ادامداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق، سۋردوتەحنيكالىق، تيفلوتەحنيكالىق جانە گيگيەنالىق قۇرالدار، سونداي-اق كرەسلو-اربالار بەرۋدى قامتيدى.
قازىرگى ۋاقىتتا پورتالدا 856 ارناۋلى الەۋمەتتىك قىزمەت كورسەتۋشى (بولىمشەلەر)، 845 وتق جەتكىزۋشى، 31 مىڭنان استام جەكە كومەكشى، 763 ىمداۋ ءتىلى جانە 116 ساناتورييلىك-كۋرورتتىق ەمدەۋ قىزمەتتەرىن ۇسىنۋشى تىركەلگەن.
پورتالدى پايدالانۋ بويىنشا كونسۋلتاسيالاردى قولداۋ بايلانىس ورتالىعىنان، ياعني 1414 ءبىرىڭعاي ءنومىرى ارقىلى حابارلاسۋعا بولادى.