2024 جىلى كوپبالالى وتباسىلارعا جانە ناگرادتالعان انالارعا بەرىلەتىن مەملەكەتتىك جاردەماقىمەن ورتا ەسەپپەن 818،1 مىڭ وتباسى جالپى سوماسى 546،3 ملرد تەڭگە مولشەرىندە قامتىلدى، ونىڭ ىشىندە: كوپبالالى وتباسىلارعا بەرىلەتىن جاردەماقى 579،5 مىڭ وتباسىعا 474،1 ملرد تەڭگە مولشەرىندە؛ ناگرادتالعان اناعا بەرىلەتىن جاردەماقى 238،5 مىڭ ادامعا 72،1 ملرد تەڭگە مولشەرىندە تولەندى.
كوپبالالى وتباسىعا بەرىلەتىن مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى، دەپ حابارلايدى aqshamnews.kz.
تولەم مولشەرى بالا سانىنا قاراي ەسەپتەلىپ تولەنەدى جانە 2025 جىلى:
- 4 بالاسى بار وتباسىلارعا – 16،03 اەك نەمەسە 63 030 تەڭگە؛
- 5 بالاعا – 20،04 اەك نەمەسە 78 798 تەڭگە؛
- 6 بالاعا – 24،05 اەك نەمەسە 94 565 تەڭگە؛
- 7 بالاعا – 28،06 اەك نەمەسە 110 332 تەڭگە؛
- 8 جانە ودان دا كوپ بالاسى بار وتباسىلارعا – ءار بالاعا 4 اەك نەمەسە 15 728 تەڭگە مولشەرىندە تولەندى.
ناگرادتالعان اناعا بەرىلەتىن جاردەماقى «التىن القا»، «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان، ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا تاعايىندالادى.
ناگرادتالعان اناعا بەرىلەتىن جاردەماقى اي سايىن كەلەسى مولشەردە تولەنەدى:
- «كۇمىس القا» القاسىمەن ناگرادتالعان انالارعا – 6،40 اەك نەمەسە 25 165 تەڭگە؛
- «التىن القا» القاسىمەن ناگرادتالعان نەمەسە بۇرىن «باتىر انا» اتاعىن العان، ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا – 7،40 اەك نەمەسە 29 097 تەڭگە.
2025 جىلعى 1 قاڭتاردان باستاپ بالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 6،5%-عا ارتقانىن اتاپ وتەمىز.