2025 جىلدىڭ 21 قاڭتارىندا الماتى قالاسىنىڭ ادىلەت دەپارتامەنتى Apple ونىمدەرىنىڭ تاۋار بەلگىلەرىنىڭ زاڭسىز پايدالانىلۋى بويىنشا «د» كاسىپكەرلىك سۋبەكتىسىنە قاتىستى جوسپاردان تىس تەكسەرۋ جۇرگىزدى.
تەكسەرۋ بارىسىندا 1300-دەن استام بىرلىك كونترافاكتىلىك ءونىم انىقتالدى، جالپى سوماسى 5 600 000 تەڭگەدەن استى. ءونىمنىڭ ساپاسى كۇمان تۋدىرىپ، ءوندىرىس ورنىنىڭ رەسمي شىعۋ تەگى جوق ەكەنى بايقالدى، دەپ حابارلايدى aqshamnews.kz.
ادىلەت دەپارتامەنتى زياتكەرلىك مەنشىكتى قورعاۋعا جانە كونترافاكتىلىك ءونىمنىڭ اينالىمىنا جول بەرمەۋگە ەرەكشە نازار اۋدارادى. كونترافاكتىلىك ءونىم قۇقىق يەلەنۋشىلەرگە، تۇتىنۋشىلارعا جانە جالپى ەكونوميكاعا زيان كەلتىرەدى.
قازىرگى ۋاقىتتا ءىس بويىنشا بارلىق ماتەريالدار قازاقستان رەسپۋبليكاسىنىڭ قولدانىستاعى زاڭناماسىنا سايكەس پروسەسسۋالدىق شەشىمدەر قابىلداۋ ءۇشىن سوتقا جىبەرىلدى.
الماتى قالاسىنىڭ ادىلەت دەپارتامەنتى قۇقىق يەلەنۋشىلەردىڭ قۇقىقتارىن قورعاۋ جانە كاسىپكەرلىك قىزمەتتە زاڭدىلىقتى قامتاماسىز ەتۋ ماقساتىندا زياتكەرلىك مەنشىك سالاسىنداعى زاڭ بۇزۋشىلىقتاردى انىقتاۋ جانە الدىن الۋ بويىنشا جۇمىسىن جالعاستىرادى.