بيىل ەلىمىزدىڭ باستاۋىش مەديسينالىق ۇيىمدارىندا 90 ملن-نان استام قارالۋشى تىركەلگەن، بۇل وتكەن جىلعى جۇگىنۋ سانىنان 10%-عا جوعارى.
بيىلعى جىلى سكرينينگتىك تەكسەرۋلەرمەن 2،8 ملن. ەرەسەك ادام، ونىڭ ىشىندە 1،1 ملن.اۋىل تۇرعىنى قامتىلدى. بۇل رەتتە پاتولوگيالار 388 مىڭ ادامدا انىقتالدى، زەرتتەلىپ-قارالعان 220 مىڭ ازامات ديسپانسەرلىك ەسەپكە الىندى. قاشىقتىقتان مەديسينالىق قىزمەت كورسەتۋ ءۇردىسى كۇشەيىپ، ولاردىڭ سانى 6،7 ەسەگە ارتىپ، 688 مىڭ قىزمەتكە جەتتى، دەپ حابارلايدى Almaty-akshamy.kz دەنساۋلىق ساقتاۋ مينيسترلىگىنە سىلتەمە جاساپ.
امبۋلاتوريالىق دەڭگەيدە پاسيەنتتەر 324 ملن كونسۋلتاسيالىق-دياگنوستيكالىق قىزمەت نەمەسە 1 تۇرعىنعا شاققاندا 16-دان استام قىزمەت الدى. بۇل رەتتە 1 ميلليوننان استام ادام قىمبات دياگنوستيكالىق قىزمەتتەرمەن (كت/مرت) قامتىلدى.
سوڭعى 3 جىلدىڭ ىشىندە امبۋلاتوريالىق دارى-دارمەكپەن قامتاماسىز ەتۋگە بولىنگەن قاراجاتتىڭ كولەمى 2 ەسەدەن استام ۇلعايدى، ول بۇگىندە 237 ملرد.تەڭگەگە جەتتى. بۇل تەگىن مەديسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديسينالىق ساقتاندىرۋ بويىنشا نوزولوگيالار سانىن 48-دەن 126-عا دەيىن 2،5 ەسەگە ارتتىرۋعا مۇمكىندىك بەردى. سونداي-اق تمككك جانە ءمامس پاكەتتەرىندەگى تەگىن دارىلىك پرەپاراتتاردىڭ تىزبەسى-272-دەن 347-گە دەيىن كەڭەيتىلدى.
مەديسينالىق-سانيتاريالىق العاشقى كومەككە قول جەتكىزۋ ماقساتىندا ەلىمىزدىڭ ءاربىر تۇرعىنى ءۇشىن 78 مساك وبەكتىسى سالىنىپ، 80 باستاپقى بۋىن وبەكتىسى جوندەلدى.
بۇگىنگى تاڭدا مەديسينالىق-سانيتاريالىق العاشقى كومەك ۇيىمدارىندا 110 مىڭنان استام مامان، ونىڭ ىشىندە 34 195 دارىگەر جانە 75 852 ورتا بۋىن قىزمەتكەرى جۇمىس ىستەيدى.