2500-دەن استام التىن قۇيما ساتىلدى.
2022 جىلدىڭ اقپان ايىندا ەكىنشى دەڭگەيلى بانكتەر مەن جەكەلەگەن بانك ەمەس ايىرباستاۋ پۋنكتتەرى جالپى سالماعى 82 كەلى 2 586 التىن قۇيمانى ساتتى، دەپ حابارلايدى Almaty-akshamy.kz.
حالىققا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن ۇلتتىق بانك 2017 جىلى ىسكە قوسقان بولاتىن.
باعدارلاما قولعا الىنعالى جالپى سالماعى 2،9 تونناعا جۋىق 79 262 التىن قۇيما ساتىلعان.
التىن قۇيما بەس ءتۇرلى سالماقتا ۇسىنىلادى: 5، 10، 20، 50 جانە 100 گ. ساتىپ الۋشىلار اراسىندا وتە جوعارى سۇرانىسقا يە ءتۇرى – 10 گرامدىق التىن قۇيما.
جالپى ساتىلعان قۇيمالار اراسىندا ونىڭ ۇلەسى – 27%، ياعني، 21 646 دانا.
ودان كەيىن 100 گرامدىق قۇيما سۇرانىسقا يە، 17 491 دانا (22%) ساتىلعان، 20 گرامدىق قۇيمادان 15 283 دانا (19%)، 5 گرامدىق قۇيمادان 14 239 دانا (18%)، 50 گرامدىق قۇيمادان 10 603 دانا (14%) ساتىلدى.
التىن قۇيمالار الماتى، نۇر-سۇلتان جانە اتىراۋ قالالارىندا كوپ ساتىلادى.
قارجى نارىعىنداعى تۇراقسىزدىق پەن ايىرباستاۋ باعامى قۇبىلمالى بولىپ تۇرعان جاعدايدا التىن قۇيمالارىنا ينۆەستيسيا سالۋ جيناقتاردىڭ ساقتالۋىن قامتاماسىز ەتەتىن بالاما قۇرال بولا الادى.
التىن قۇيمالار نارىعىنداعى وتىمدىلىكتىڭ باستى كەپىلى – بانك پەن بانكتىك ەمەس ايىرباستاۋ پۋنكتەرى كليەنتكە اقشانى سول كۇنى تولەي وتىرىپ، التىن قۇيمالاردى كەرى ساتىپ الا الادى.
باعدارلاما باستالعاننان بەرى ەكىنشى دەڭگەيلى بانكتەر مەن جەكەلەگەن بانكتىك ەمەس پۋنكتەر جالپى سالماعى 288،7 كەلى 11 756 التىن قۇيمانى كەرى ساتىپ العان، بۇل – جالپى ساتىلعان التىن قۇيمالاردىڭ 15%-ى.
ولار كەرى ساتىپ العان التىن قۇيمالاردىڭ بارلىعى دەرلىك ۇلتتىق بانكتىڭ فيليالدارى ارقىلى حالىققا ساتىلادى.
ءاربىر قۇيما قورعاۋ ەلەمەنتتەرىمەن قاپتالعان (قۇيمانىڭ اينا بەتى، ميكروتەكست جانە جيەگى بار) جانە ارنايى قوراپقا سالىنىپ شىعادى، سول ارقىلى قۇيمانىڭ اشىلعان-اشىلماعانىن وڭاي تەكسەرۋگە بولادى.
قورعاپ تۇراتىن قوراپ، سونداي-اق ساپا سەرتيفيكاتى بولىپ سانالادى. سوندىقتان التىن قۇيمانى ۇقىپتى ساقتاپ، قورابىن بۇلدىرمەۋگە كەڭەس بەرەمىز.
ءقازىر التىن قۇيمالاردى Halyk Bank، ەۋرازيالىق بانك، Jusan Bank، سەنتركرەديت بانكى، سونداي-اق جەكەلەگەن بانكتىك ەمەس پۋنكتتەردەن ساتىپ الىپ، كەرى ساتۋعا بولادى.