وتكەن ايدا الماتىدا باسپانا كوپ ساتىلدى

مامىلە سانى ەڭ از بولعان ءوڭىر – ۇلىتاۋ وبلىسى

2022 جىلعى تامىزدا تۇرعىن ءۇيدى ساتىپ الۋ-ساتۋ بويىنشا مامىلەلەر سانى 35 686  قۇرادى جانە 2022 جىلدىڭ شىلدە ايىمەن سالىستىرعاندا 17،4% ءوستى. بۇل تۋرالى Almaty-akshamy.kz ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنا سىلتەمە جاساپ حابارلايدى.

ۆەدومستۆونىڭ حابارلاۋىنشا مامىلەلەردىڭ سانى بويىنشا نۇر-سۇلتان جانە الماتى قالالارى كوش باستاپ تۇر، تيىسىنشە 6 392 جانە 6 389 شارت.

«مامىلە سانى ەڭ از بولعان ءوڭىر – ۇلىتاۋ وبلىسى – 412. تامىز ايىنداعى ەڭ ۇلكەن تومەندەۋ شىعىس قازاقستان (-37،5%) جانە الماتى (-25%) وبلىستارىندا ورىن الدى، بۇل ايماقتاردىڭ بولىنۋىنە بايلانىستى بولدى. بۇل رەتتە، قاراعاندى وبلىسىندا مامىلەلەردىڭ سانى نەبارى – 5،7% قۇرادى، بۇل مامىلەلەر سانى بويىنشا وبلىستىڭ جەتەكشى پوزيسيادا بولعانىمەن تۇسىندىرىلەدى.

مامىلەلەردىڭ 74،3% كوپپاتەرلى ۇيلەردەگى پاتەرلەر بويىنشا جاسالعان، ساتىلىمداعى جەكە ۇيلەردىڭ ۇلەسى قالعان 25،7% قۇرادى. جىل باسىنان بەرى العاش رەت ءبىر بولمەلى پاتەرلەر بويىنشا جاسالعان شارتتار سانى ەكى بولمەلى پاتەرلەر سۇرانىسىنان اسىپ ءتۇستى، تامىزدا 9 789 ءبىر بولمەلى پاتەر راسىمدەلگەن. ول بويىنشا ەڭ كوپ مامىلەلەر نۇر-سۇلتان (2 888) جانە الماتى (2 687) قالالارىندا جاسالعان.

2022 جىلعى شىلدە ايىمەن سالىستىرعاندا جەكە ۇيلەر بويىنشا مامىلەلەر سانىنىڭ تومەندەۋى شقو (-46،6%)، الماتى وبلىسى ( -24،6%)  جانە اقتوبە وبلىستارىندا (2،4%) ساقتالدى. كەرىسىنشە، الىپ-ساتۋ شارتتارىنىڭ ءوسۋى نۇر-سۇلتان (+25،3%) جانە الماتى قالالارىندا تىركەلدى»، - دەلىنگەن حابارلامادا.