وتەگەن باتىر كوشەسىنىڭ ءبىر اۋماعىنا ورتاشا جوندەۋ جۇمىستارىنىڭ جۇرگىزىلۋىنە بايلانىستى قوزعالىسقا ۋاقىتشا شەكتەۋ ەنگىزىلەدى، دەپ حابارلايدى aqshamnews.kz
9 تامىز ساعات 23:00-دەن 11 تامىز ساعات 11:00-گە دەيىن جۇبانوۆ كوشەسىنەن اباي داڭعىلىنا دەيىنگى ارالىقتا قوزعالىس جابىلادى.
- سولتۇستىك باعىتتا اباي داڭعىلى، التىنسارين جانە جۇبانوۆ كوشەلەرى ارقىلى اينالىپ وتۋگە بولادى. وڭتۇستىك باعىتتا جۇبانوۆ كوشەسى، التىنسارين داڭعىلى جانە اباي داڭعىلى ارقىلى اينالىپ وتۋگە بولادى.
- جوندەلىپ جاتقان ۋچاسكەدە ەسكەرتۋ بەلگىلەرى، مەردىگەر ۇيىمىنىڭ باسشىسىنىڭ بايلانىس اقپاراتتارى كورسەتىلگەن ستەندتەر قويىلادى. مارشرۋتتارىڭىزدى الدىن الا جوسپارلاۋدى سۇرايمىز.
ەسكە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS جانە «ياندەكس كارتالارى» سەرۆيستەرىندە جازىلعان.
