ەلىمىزدە جىل سايىن ءجۇز مىڭعا جۋىق جۇپ شاڭىراق كوتەرەدى
وتباسى كۇنىن مەرەكەلەۋ قارساڭىندا جانە ەل تاۋەلسىزدىگىنىڭ 30 جىلدىعىنا وراي «بايتەرەك» مونۋمەنتىندە 7 جاس جۇبايدىڭ نەكە قيۋ ءراسىمى ءوتتى، دەپ حابارلايدى Almaty-akshamy.kz.
سالتاناتتى شاراعا ق ر اقپارات جانە قوعامدىق دامۋ ۆيسە-مينيسترى اسقار وماروۆ پەن ەسىل اۋدانىنىڭ اكىمى بەرىك جاكەنوۆ قاتىستى.
«2013 جىلدان باستاپ تۇڭعىش پرەزيدەنت – ەلباسى نۇرسۇلتان ءابىش ۇلى نازاربايەۆتىڭ باستاماسى بويىنشا قىركۇيەكتىڭ ءار ەكىنشى جەكسەنبىسىندە وتباسى كۇنى مەرەكەلەنەدى. قازاقستاندا وتباسىن دامىتۋ مەن قولداۋعا مەملەكەت كوپ كوڭىل بولەدى. جىل سايىن قازاقستاندا 100 مىڭعا جۋىق جۇپ نەكە قۇرادى. وتكەن جىلدىڭ وزىندە نۇر-سۇلتاندا 10 500-دەن استام نەكە قيىلدى. شاڭىراق كوتەرىپ وتىرعان جاستاردىڭ ۇزاق ءومىر ءسۇرىپ، كوپبالالى، باقىتتى اتا-انا بولۋىن تىلەيمىن. مەملەكەت سىزدەردى قولداۋعا ءاردايىم دايىن»، – دەدى اسقار وماروۆ.
ساراپشىلاردىڭ ايتۋىنشا، ەلوردادا تىركەلگەن نەكەلەر سانى ۇنەمى ءوسىپ كەلەدى، ال جاستار وتباسىن قۇرۋ ماسەلەسىنە سانالى تۇردە قارايدى.
«ءقازىر شاڭىراق كوتەرەتىندەر قاتارى ارتىپ كەلەدى. بۇل وتە قۋانتارلىق جايت. 2019 جىلمەن سالىستىرعاندا، بىزدە نەكە قيۋ كورسەتكىشى 3 مىڭعا ارتتى. بۇل جاستاردىڭ وتباسىن قۇرۋعا سانالى تۇردە قاراي باستاعانىن بىلدىرەدى. قۋانتارلىعى، ولاردىڭ جاسى بۇگىندە 25-28 جاستى قۇرايدى، بۇل ولاردىڭ ءبىلىم الىپ، تۇراقتى جۇمىسى بولاتىن كەز»، – دەپ اتاپ ءوتتى ەسىل اۋدانى اكىمدىگى اپپاراتىنىڭ احات ءبولىمىنىڭ باسشىسى راۋشان زاريروۆا.
ايتا كەتەيىك، ءىس-شارا سانيتارلىق نورمالاردى ساقتاي وتىرىپ وتكىزىلدى. جىل سايىن وتباسى كۇنىنە وراي نۇر-سۇلتاننىڭ بارلىق اۋدانىندا ءبىرىنشى كەزەكتە وتباسى ستاتۋسىن ارتتىرۋعا، وتباسىلىق قۇندىلىقتار مەن داستۇرلەردى ناسيحاتتاۋعا، جاستاردىڭ بويىندا جاۋاپكەرشىلىك سەزىمىن تاربيەلەۋگە باعىتتالعان ەستەلىك ءىس-شارالار وتكىزىلەدى.
وسى كۇندى مەرەكەلەۋ اياسىندا قازاقستاندا ق ر تۇڭعىش پرەزيدەنتى نۇرسۇلتان نازاربايەۆتىڭ باستاماسىمەن سەگىز جىل بويى «مەرەيلى وتباسى» ۇلتتىق كونكۋرسى وتكىزىلىپ كەلەدى. ول وڭىرلىك جانە رەسپۋبليكالىق دەڭگەيلەردەگى بىرنەشە كەزەڭنەن تۇرادى. وسى جىلدىڭ وزىندە ەلوردادا وعان قاتىسۋعا 120 وتباسى ءوتىنىم بەردى، ونىڭ ىشىندە ەڭبەك اۋلەتتەرى، كوپ بالالى وتباسىلار، كاسىپكەرلەر، ءارتۇرلى سالالاردا جوعارى جەتىستىكتەرى بار سپورتشىلار جانە ت.ب.