بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى «وتباسى بانك» اق ديرەكتورى داناگۇل ءتۇسىپوۆا ايتتى.
نەسيەلەۋ مەحانيزمى قازاقستاندىقتارعا الماتىدا جىلدىق 7% (جتسم 7،4%-دان) مولشەرلەمەمەن نەسيەگە پاتەر ساتىپ الۋعا مۇمكىندىك بەرەدى. زاەم 25 جىلعا دەيىن بەرىلەدى. ەڭ جوعارعى سوماسى 100 ملن تەڭگەگە دەيىن، دەپ حابارلايدى Almaty-akshamy.kz.
ادەتتە، كوممەرسيالىق نارىقتان ءۇي ساتىپ العاندا، "وتباسى بانك" 50% باستاپقى جارنامەن نەسيە بەرەدى. قۇرىلىس سالۋشىلارمەن جاسالعان كەلىسىمدەردىڭ ارقاسىندا باستاپقى جارنا سوماسىن 30 پايىزعا دەيىن تومەندەتۋگە بولادى.
الماتىدا وسى ءادىس بويىنشا "وتباسى بانك" كليەنتتەرىنە قالانىڭ 10 تۇرعىن ءۇي كەشەنىندەگى 850 پاتەر ۇسىنىلعان. تۇرعىندارىمىز وزدەرىنە ۇنايتىن نىساندى تاڭداپ، Baspana Market پورتالىندا نەمەسە بانك بولىمشەسىندە پاتەر برونداتىپ، نەسيەگە ءوتىنىش بەرە الادى.
«جىل باسىنان بەرى "وتباسى بانك" قىزمەتكەرلەرى 8400 زاەم بەردى. دەمەك، كۇنىنە 150-160 ادام قولجەتىمدى نەسيەگە ءوتىنىش بەرىپ، قونىس تويىن تويلايدى. بەرىلگەن نەسيەنىڭ تورتتەن ءبىرى الماتىنىڭ ۇلەسىنە تيەسىلى. سونىمەن قاتار، قالا تۇرعىندارى جيناقتاۋ جانە ودان ءارى تۇرعىن ءۇي ساتىپ الۋ ءۇشىن كۇن سايىن 100-دەن استام جاڭا دەپوزيت اشادى. ولاردىڭ بارلىعى مەملەكەتتىك باعدارلامالاردىڭ شارتتارىنا سايكەس كەلمەيدى. ءبىزدىڭ ينۆەستورلارىمىزدىڭ كوپشىلىگى تۇرعىن ءۇيدى كوممەرسيالىق نارىقتان ساتىپ الادى. اسىرەسە، ولار ءۇشىن ءبىز ازىرلەۋشىلەرمەن بىرگە جاڭا ونىمدەردى ازىرلەۋدەمىز، ونىڭ باستى قۇندىلىعى باستاپقى جارنانى 50%-دان 30%-عا دەيىن تومەندەتۋ بولىپ تابىلادى. قۇرىلىس كومپانيالارىنان بولىنگەن سۋبسيديالار ونى ازايتۋعا مۇمكىندىك بەرىپ وتىر»، – دەپ ءتۇسىندىردى «وتباسى بانك» الماتى قالاسى بويىنشا فيليالىنىڭ ديرەكتورى داناگۇل ءتۇسىپوۆا.
سونداي-اق، "وتباسى بانك" قازاقستاندىق كاسىپورىندارمەن بىرگە تاعى ءبىر ءونىم – «كورپوراتيۆتى» باعدارلاماسىن ىسكە اسىرۋدا. ونىڭ اياسىندا كومپانيا ءوز قىزمەتكەرلەرىنىڭ باسپانا ماسەلەسىن شەشۋگە كومەكتەسەدى. بۇگىنگى كۇنى "وتباسى بانك" الماتى قالاسىنداعى «Qazinterservice» جشس-مەن كەلىسىمشارتقا وتىردى. ونىڭ اياسىندا كاسىپورىن 250 ملن تەڭگە ءبولىپ وتىر. قاراجات "وتباسى بانكىنە" نەسيە بەرۋ كەزىندە قىزمەتكەرلەردىڭ العاشقى جارناسىنىڭ ءبىر بولىگىن جابۋعا جۇمسالادى
«وسى ىنتىماقتاستىق اياسىندا نەسيە مولشەرلەمەسى 7%-دان 8،5%-عا دەيىن (جتسم 7،4%-دان) بولادى. بۇل رەتتە كومپانيا ءوز قىزمەتكەرى ءۇشىن باستاپقى جارنانىڭ ءبىر بولىگىن جيناقتاۋعا كومەكتەسەدى. ول 20% نەمەسە ءتىپتى 30% بولۋى مۇمكىن. كومپانيانىڭ مۇنداي قولداۋى جەكە باسپاناعا اپارار جولدى ايتارلىقتاي قىسقارتادى، ياعني جاقىن ارادا قونىس تويىن تويلاۋعا كومەكتەسەدى. بۇل وتباسى بانكىنىڭ «كورپوراتيۆتىك» ءونىمى كاسىپورىندارعا ءوز قىزمەتكەرلەرىنىڭ باسپانا ماسەلەسىن جىلدام شەشۋگە مۇمكىندىك بەرەدى. ال بۇل الەۋمەتتىك پاكەتتى نىعايتىپ، قۇندى كادرلاردى ۇستاپ قالۋدىڭ ءبىر جولى. بۇگىنگى كۇنى «كورپوراتيۆتىك» ءونىمنىڭ كومەگىمەن قازاقستان بويىنشا 1000-عا جۋىق ادام باسپانا ساتىپ الۋعا مۇمكىندىك الدى. بيىل كەزەكتى قونىس تويىن كۇتىپ وتىرمىز»، – دەدى داناگۇل ءتۇسىپوۆا.
«باقىتتى وتباسى» مەملەكەتتىك باعدارلاماسى اياسىندا بيىل الماتىدا 905 پاتەر ساتىلادى. قاتىسۋشىلار ءتىزىمى otbasybank.kz پلاتفورماسىندا 2022 جىلدىڭ 20 ماۋسىمى مەن 19 شىلدەسى ارالىعىندا وتكىزىلگەن كونكۋرس ناتيجەلەرى بويىنشا قالىپتاستىرىلدى. بۇل كوپ بالالى جانە تولىق ەمەس وتباسىلار، سونداي-اق مۇمكىندىگى شەكتەۋلى بالالاردى تاربيەلەپ وتىرعان وتباسىلار. ولارعا ارنالعان باسپانانى قالالىق اكىمدىك «جاس قانات» شاعىن اۋدانىنان سالىپ بەردى. نەسيە الۋ پروسەسى ءجۇرىپ جاتىر. ولار جىلىنا 2% مولشەرلەمەمەن (جتسم 2،1%-دان باستاپ) بەرىلەدى. مەملەكەتتىك باعدارلامانىڭ شارتتارى بويىنشا باستاپقى تولەم نەسيە سوماسىنىڭ كەمىندە 10 پايىزىن قۇرايدى.
سونداي-اق بيىل الماتىدا «الماتى جاستارى» باعدارلاماسىن جۇزەگە اسىرۋ جالعاسادى. ول 1100-گە جۋىق جاس ازاماتتى قامتيتىن بولادى. بۇل باعدارلاما بويىنشا وتىنىمدەردى قابىلداۋدىڭ باستالعانى تۋرالى قالا اكىمدىگى مەن وتباسى بانك قوسىمشا حابارلايتىن بولادى.