ونىڭ نەگىزگى مىندەتى رەسپۋبليكا بويىنشا ازاماتتاردى تۇرعىن ۇيمەن قامتاماسىز ەتۋ بويىنشا تۇرعىن ءۇي قاتىناستارىن دامىتۋ بولادى.
"وتباسى بانكىن" ەكىنشى دەڭگەيدەگى بانكتەر جۇيەسىنەن شىعارىپ، وعان تۇرعىن ءۇيدى ەسەپكە الۋ، قويۋ جانە ءبولۋدى ورتالىقتاندىراتىن ۇلتتىق دامۋ ينستيتۋتى مارتەبەسىن بەرۋ جوسپارلانىپ وتىر، دەپ حابارلايدى Almaty-akshamy.kz
بۇل تۋرالى يندۋستريا جانە ينفراقۇرىلىمدىق دامۋ ۆيسە-مينيسترى ەركەبۇلان داۋىلبايەۆ ايتتى.
بۇل رەتتە باسەكەلەستىكتى قورعاۋ جانە دامىتۋ اگەنتتىگى مەن ۇلتتىق بانك كەيبىر ماسەلەلەر بويىنشا (مىسالى، قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ ماسەلەلەرى بويىنشا باقىلاۋ مەن قاداعالاۋ) جۇمىس جۇرگىزە بەرەدى.
«وتباسى بانك قازاقستان رەسپۋبليكاسىنىڭ زاڭناماسىندا ايقىندالعان، دەپوزيتتەردى قابىلداۋ، زاڭدى جانە جەكە تۇلعالاردىڭ بانكتىك شوتتارىن اشۋ جانە جۇرگىزۋ، كاسسالىق وپەراسيالار، بانكتىك قارىز وپەراسيالارى، سالىمشىلارعا تۇرعىن ءۇي، ارالىق جانە الدىن الا تۇرعىن ءۇي قارىزدارىن بەرۋ سياقتى بانكتىك جانە باسقا دا وپەراسيالاردى اگەنتتىكتىڭ ليسەنزياسىنسىز جۇزەگە اسىراتىن بولادى»، - دەپ جالعاستىردى داۋىلبايەۆ.
جاڭا مەحانيزمگە سايكەس، اكىمدىكتەردە كەزەكتە تۇرعانداردىڭ بازاسى "وتباسى بانكىنە" بەرىلەدى جانە وندا ەسەپكە قويۋ توقتاتىلادى.
«وتباسى بانك بازاسىندا تۇرعىن ۇيمەن قامتاماسىز ەتۋ ورتالىعى قۇرىلادى، وعان تۇرعىن ۇيگە مۇقتاج بارلىق ازامات ەنگىزىلەدى. ءاربىر وتىنىمگە وتباسىنىڭ تابىسىن، مۇلكى مەن اكتيۆتەرىن اشاتىن سيفرلىق پورترەتى قالىپتاستىرىلادى»، - دەپ ءتۇسىندىردى ييدم وكىلى.