بۇگىن "ناۋرىز" باعدارلاماسىنا قاتىسۋشىلاردىڭ تولىق ءتىزىمى وتباسى بانكىنىڭ رەسمي سايتىندا جاريالاندى، دەپ حابارلايدى اlmaty-akshamy.kz.
تىزىمگە ەنگەن 12 500 ادامنىڭ 7 151 وتباسىلى قازاقستاندىقتار، 9 100 كامەلەتكە تولماعان بالالاردى تاربيەلەپ وتىرعان جانۇيالار. قاتىسۋشىلاردىڭ شامامەن 47% تۇرعىن ءۇي كەزەگىندە تۇرعاندار، ولاردىڭ جارتىسى حالىقتىڭ الەۋمەتتىك وسال ساناتىنا جاتادى.
«ناۋرىز» باعدارلاماسىنا قاتىسۋشىلار 15 شىلدەدەن 14 قىركۇيەككە دەيىنگى ۋاقىت ارالىعىندا وتباسى بانكىنە كرەديتتىك ءوتىنىم بەرۋگە ءتيىس. ەگەر باعدارلاماعا قاتىسۋشى زاەم بويىنشا وڭ ماقۇلداۋ السا، وندا جەلتوقساننىڭ ورتاسىنا دەيىن باسپانا تاۋىپ، ونى ساتىپ الۋعا ۋاقىتى بولادى، – دەلىنگەن بانك حابارلاماسىندا.
ءوتىنىش بەرۋشىلەر مەن جاڭا تۇرعىن ءۇي باعدارلاماسىنا قاتىسۋشىلاردىڭ تولىق ءتىزىمى وتباسى بانكىنىڭ رەسمي سايتىندا جاريالانعان.
ۇپايلار قالاي ەسەپتەلەدى؟
- سالىم بويىنشا سىياقى مولشەرى – ءاربىر 1 000 تەڭگە ءۇشىن 1 ۇپاي؛
- تىركەلگەن نەكەنىڭ بولۋى – 5 ۇپاي؛
- بالالاردىڭ بولۋى – 10 ۇپاي (بالالار سانىنا قاراماستان)؛
- حالىقتىڭ الەۋمەتتىك وسال توپتارى (ءحاوت) مارتەبەسىنىڭ بولۋى – 10 ۇپاي؛
- 35 جاسقا دەيىنگى جاس (قوسا العاندا) – 5 ۇپاي.
«ناۋرىز» باعدارلاماسىنىڭ شارتتارى:
- العاشقى جارنا – 20%-دان باستاپ؛
- تۇرعىن ءۇي كەزەگىندە تۇرعان ازاماتتاردىڭ الەۋمەتتىك وسال ساناتتارى ءۇشىن نەسيە بويىنشا مولشەرلەمە – 7% (جتسم 7،3%-دان 8،9% دەيىن)؛
- ازاماتتاردىڭ بارلىق ساناتتارى ءۇشىن نەسيە بويىنشا مولشەرلەمە – 9% (جتسم 9،3%-دان 11،8% دەيىن)؛
- نەسيە مەرزىمى – 19 جىلعا دەيىن.
«ناۋرىز» باعدارلاماسى اياسىندا تۇرعىن ءۇي ساتىپ الۋ بويىنشا كەلەسى شارتتار ۇسىنىلادى:
- العاشقى نارىقتاعى تۇرعىن ءۇي، ونىڭ ىشىندە قتك كەپىلدىگىمەن ۇلەستىك قاتىسۋ شارتى جانە ساقتاندىرۋ قۇرالى بويىنشا؛
- مونوقالالار مەن اۋىلدىق ەلدىمەكەندەردە ەكىنشى نارىقتاعى تۇرعىن ءۇي، جىلىنا بولىنگەن قاراجاتتىڭ جالپى كولەمىنىڭ 30%-نان اسپايتىن كولەمدە.
زاەمنىڭ ەڭ جوعارعى مولشەرى:
- الماتى مەن استانا قالالارى ءۇشىن – 36 ملن تەڭگەگە دەيىن.
- قالعان وڭىرلەر ءۇشىن – 30 ملن تەڭگەگە دەيىن.
باعدارلاماعا قاتىسۋشى باستاپقى تۇرعىن ءۇيدى باسپانا ماركەت پورتالىنان تاڭداپ، برونداي الادى. بۇل قىزمەت جاڭا تۇرعىن ءۇي باعدارلاماسىنىڭ باستالۋى اياسىندا تۇرعىن ءۇي باعاسىنىڭ جاساندى وسۋىنە جول بەرمەۋگە ارنالعان.
ءقازىر بانك باسپانا ماركەت پورتالىندا «وتاۋ» باعدارلاماسىنا قاتىسۋشىلار ءۇشىن دە، «ناۋرىز» باعدارلاماسىنا قاتىسۋشىلار ءۇشىن دە تۇرعىن ءۇي نىساندارىن بەلسەندى ورنالاستىرىپ جاتىر. ءقازىر تاڭداۋعا 13 789 پاتەردەن تۇراتىن 480 تۇرعىن ءۇي كەشەنى ۇسىنىلعان. بۇل ءتىزىم كۇن سايىن تولىقتىرىلىپ جاتىر.