وتاندىق پوليسەيلەر مەن پروكۋرورلار ەتنوساياسي ساۋاتتىلىعىن ارتتىرۋدا

ولار ارنايى سەمينارعا قاتىسىپ جاتىر.

قازاقستاندىق پوليسەيلەر مەن پروكۋراتۋرا قىزمەتكەرلەرى جانە اكىمدىك وكىلدەرى «ەتنوساياسي ساۋاتتىلىق جانە ەتنومەدياسيا نەگىزدەرى» اتتى سەمينار-ترەنينگكە قاتىسىپ جاتىر، دەپ حابارلايدى Almaty-akshamy.kz.

اتالمىش سەمينار 16-17 قىركۇيەك كۇندەرى تاراز قالاسىندا وتەدى. شارانى قولدانبالى ەتنوساياسي زەرتتەۋلەر ينستيتۋتى ۇيىمداستىرعان.

سەمينار-ترەنينگتەرگە الماتى، جامبىل جانە تۇركىستان وبلىستارى جەرگىلىكتى پوليسيا ورگاندارىنىڭ، پروكۋراتۋراسىنىڭ جانە پوليەتنوستى اۋداندار اكىمدىكتەرىنىڭ وكىلدەرى قاتىسۋدا.

«ءىس-شارا باعدارلاماسىنا ناقتى كەيستەردى تالداۋ جانە سەبەپ-سالدار بايلانىستارىن كورسەتۋ ارقىلى دارىستەر توپتاماسى كىرەدى. ماقساتى - ەتنوساياسي ساۋاتتىلىقتى ارتتىرۋ، ەتنوسارالىق قاتىناستار سالاسىنىڭ ەرەكشەلىكتەرىن جانە وقيعانىڭ قاتە ينتەرپرەتاسياسىنىڭ سالدارىن ءتۇسىندىرۋ»، – دەلىنگەن اقپارات جانە قوعامدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا. 

سەميناردىڭ تاقىرىپتارى: «كونفليكتولوگيا جانە ەتنومەدياسيانىڭ نەگىزدەرى»، «اقپاراتتىق جانە مەدياساۋاتتىلىق. اقپاراتتىق كەڭىستىكتەگى ەتنوسارالىق قاتىناستار»، «قازاقستاننىڭ ەتنوستىق توپتارى اراسىنداعى ءوزارا قارىم-قاتىناستىڭ الەۋمەتتىك-پسيحولوگيالىق ەرەكشەلىكتەرى. جانجالدىڭ اقپاراتتىق كومپونەنتى. الاۋىزدىق ءتىلى. جانجالدىڭ دەكلاراتيۆتى كەزەڭىندەگى بەينورماتيۆتى ەتنونيمدەرى»، «قوعامدىق ريتوريكا داعدىلارى». 

قاتىسۋشىلارعا العان بىلىمدەرى مەن داعدىلارىن بەكىتۋ ءۇشىن قولدانبالى ەتنوساياسي زەرتتەۋلەر ينستيتۋتىنىڭ ساراپشىلارى سەميناردىڭ سوڭىندا تاجىريبەلىك ساباقتار وتكىزەدى.