جاڭا ۆاگوندار پاۆلودار - تۇركىستان باعدارى بويىنشا پويىزدار قۇرامىندا جۇرەتىن بولادى، - دەپ حابارلايدى اlmaty-akshamy.kz "جولاۋشىلار تاسىمالى" باسپا ءسوز قىزمەتىنە سىلتەمە جاساپ.
كومپانيا پاركى وتاندىق وندىرىستەگى تاعى 12 جاڭا كۋپە جولاۋشىلار ۆاگونىمەن تولىقتىرىلعانى ايتىلادى. زاماناۋي جاڭا ۆاگوندار №45/46 "پاۆلودار - تۇركىستان" باعدارى بويىنشا پويىزدار قۇرامىندا جۇرەتىن بولادى.
"جولاۋشىلاردىڭ جايلىلىعىن قامتاماسىز ەتۋ ماقساتىندا جاڭا ۆاگوندار اۋانى باپتاۋ جۇيەسىمەن، اۋا سۇزگىلەرىمەن، ءتۇتىن داچيكتەرىمەن، بيودارەتحانالارمەن جانە تامبۋرلارداعى بەينەباقىلاۋ جۇيەسىمەن جابدىقتالعان. كۋپە ەلەكتر روزەتكالارىمەن جانە USB قوسقىشتارىمەن جابدىقتالعان. ءتيىستى پايدالانۋ كەزىندە جىلجىمالى قۇرامنىڭ قىزمەت ەتۋ مەرزىمى 40 جىلعا دەيىن"، - دەيدى كومپانيا وكىلدەرى.
ايتا كەتەيىك، 2023 جىلى قىركۇيەك ايىندا "جولاۋشىلار تاسىمالى" اق پاركى وتاندىق 32 جاڭا جولاۋشىلار ۆاگونىمەن تولىقتىرىلعان بولاتىن. ۆاگوندار اقتوبە تەمىر جول مارشرۋتتارى بويىنشا ءساتتى ءجۇرىپ جاتىر.
كەلەسى جىلدىڭ باسىندا قازاقستاندىق 100 جولاۋشىلار ۆاگونى جولعا شىعادى. سونىمەن قاتار، 2025-2030 جىلدار ارالىعىندا Stadler كومپانياسىنىڭ 537 ۆاگونىن ساتىپ الۋ كوزدەلگەن.