وتاندىق ماماندار تيان-شان مۇزدىقتارىن زەرتتەمەك

سولتۇستىك تيان-شان مۇزدىقتارى عىلىمي تۇرعىدان زەرتتەۋدى قاجەت ەتەدى. 

«قازسەلدەنقورعاۋ» مەكەمەسى مەن گەوگرافيا جانە سۋ قاۋىپسىزدىگى ينستيتۋتى ىنتىماقتاستىق تۋرالى مەموراندۋمعا قول قويدى، دەپ حابارلايدى Almaty-akshamy.kz.

24.kz حابارلاۋىنشا، گلياسيولوگ عالىمداردىڭ الاڭداۋىنا نەگىز بار. شىلدە ايىنىڭ سوڭىنا قاراي جاۋعان جاڭبىردىڭ سالدارىنان الماتى ماڭىنداعى بىرنەشە سۋ باسسەيندەرىندە سەل شىعارىندىلارى جينالىپ قالعان. سونىمەن قاتار بيىلعى جازداعى اپتاپ ىستىقتان مۇزدىقتار ەري باستادى. وسىدان كەيىن وزەندەردەگى سۋ دەڭگەيى ارتا تۇسكەن. ماماندار ىلە الاتاۋى جاھاندىق كليماتتىق وزگەرىسكە ۇشىراپ وتىر دەيدى. ماسەلەن، سوڭعى 15 جىلدا تەڭىز دەڭگەيىنەن 3000 مەتر بيىكتىكتەگى  تەمپەراتۋرا 3 گرادۋسقا كوتەرىلگەن.

«عىلىمي ينستيتۋتپەن مەموراندۋمعا قول قويدىق. ەڭ باستى ماقسات – بۇگىنگى تاڭدا بارلىق اقپاراتپەن الماسۋ. بارلىق اەروۆيزۋالدىق بىرلەسىپ جۇرگىزۋ جانە بۇگىنگى تاڭدا ءقاۋىپتى ۋچاسكەلەر بويىنشا وسى بىرلەسىپ، ءبىزدىڭ جۇمىستاردى ايقىنداۋ. تورتىنشىدەن، ءبىزدىڭ ماقسات – ءبىزدىڭ مامانداردى وقىتۋ. بەسىنشى – سيفرلاندىرۋعا بايلانىستى جۇمىستاردى كەڭەيتۋ. سەبەبى سۋدىڭ تەمپەراتۋراسىن، باسقا دا كورسەتكىشتەردى تەز ارادا الۋ كەرەكپىز»، - دەيدى ق ر تجم «قازسەلدەنقورعاۋ» مم باسشىسى قايرات بەكەنوۆ.