ەۋرازيا ۇلتتىق ۋنيۆەرسيتەتىنىڭ IT ماماندارى قازاق ءتىلىنىڭ قولدانىس اياسىن كەڭەيتىپ، تەگىن سيفرلىق ونىمدەر جاساۋدا.
«قىزىقتى ونوماستيكا» جاڭا ءموبيلدى قوسىمشاسى ادام ەسىمىنىڭ، گەوگرافيالىق نىسانداردىڭ، جانۋارلار مەن قۇستاردىڭ ماعىناسى مەن شىعۋ تەگىن بىلۋگە مۇمكىندىك بەرەدى، دەپ حابارلايدى Almaty-akshamy.kz.
ق ر عىلىم جانە جوعارى ءبىلىم مينيسترلىگىنىڭ مالىمەتىنشە، ەۇۋ IT ماماندارى قازاق تىلىندە «قىزىقتى ونوماستيكا» ءموبيلدى قوسىمشاسىن ازىرلەدى. جاڭا سيفرلىق ءونىم 800-دەن استام جەكە اتاۋلاردى بىرىكتىرەدى. ولار 100-دەن استام سەمانتيكالىق بەلگىلەر بويىنشا توپتاستىرىلعان جانە بۇل باعدارلامانىڭ باستى ارتىقشىلىعىنا اينالدى. ءموبيلدى قوسىمشانى پايدالانۋشىلارعا سابيىنە ەسىم تاڭداۋعا نەمەسە ءوز ەسىمىنىڭ ماعىناسىن ءبىلۋ مۇمكىندىگى دە ۇسىنىلعان.
«پرەزيدەنت ءوز سوزىندە مەملەكەتتىك تىلدە سيفرلىق ونىمدەردى ارتتىرۋدىڭ ماڭىزدىلىعىن اتاپ ءوتتى. ءبىز كوپشىلىك ءۇشىن ىڭعايلى «قىزىقتى ونوماستيكا» ءموبيلدى قوسىمشاسىن ىسكە قوستىق. بارلىق اتاۋلار سەمانتيكالىق قاسيەتتەرى بويىنشا توپتاستىرىلعان، بۇل - ءبىزدىڭ جوبامىزدىڭ بىرەگەيلىگى. 1،5 جىل بويى تاباندى ەڭبەك ەتتىك، كوپتەگەن جۇمىستار مەن ماتەريالدار زەرتتەلدى. ءبىزدىڭ قوسىمشامىز ايەل مەن ەر ادامدار ەسىمدەرىنىڭ شىعۋ ءتىلىن، ەتيمولوگياسىن بىلۋگە مۇمكىندىك بەرەدى. ەگەر ءسىزدىڭ ەسىمىڭىز بىرنەشە سوزدەن تۇرسا، ولاردىڭ ءارقايسىسىنىڭ جەكە ماعىناسىن تابا الاسىز. سونداي-اق سيفرلىق پلاتفورمادا الفاۆيت بويىنشا سۇرىپتاۋ بار، پايدالانۋشىلارعا ىڭعايلى بولۋ ءۇشىن ىزدەۋ تاريحى ساقتالادى جانە ءسىز تاڭداعان ەسىمدەردى بولەك ساقتاۋعا بولادى»، - دەپ اتاپ ءوتتى جوبا جەتەكشىسى، ل.ن. گۋميليەۆ اتىنداعى ەۇۋ سيفرلىق دامۋ جانە قاشىقتىقتان وقىتۋ دەپارتامەنتىنىڭ ديرەكتورى گۇلميرا بەكمانوۆا.
سيفرلىق پلاتفورمادا ىڭعايلى ناۆيگاسيا جانە جىلدام ىزدەۋ جۇيەسى بار. ءموبيلدى قوسىمشا ءقازىر Android پلاتفورماسىندا قولجەتىمدى.