المالى اۋدانىندا «حالىق قاتىساتىن بيۋدجەت - 2025» باعدارلاماسى اياسىندا بارلىق جوبا جۇزەگە اسىرىلدى.
تۇرعىنداردىڭ بەلسەندى قاتىسۋى جانە قالانىڭ قولداۋى ارقاسىندا اۋدان ايتارلىقتاي وزگەردى. اۋدان كوركەيىپ، ءومىر ءسۇرۋ جايلىلىعى ارتتى، - دەپ حابارلايدى Aqshamnews.kz.
بيىل المالى اۋدانىنىڭ تۇرعىندارى جوعارى بەلسەندىلىك تانىتتى. ولار 726 جوبا ۇسىندى، ونىڭ 45ء-ى داۋىس بەرۋ قورىتىندىسى بويىنشا باعدارلاماعا ەنگىزىلىپ، ءساتتى جۇزەگە استى. سونىڭ ارقاسىندا اۋداندا اۋلالار جاڭاردى، كوگالداندىرۋ بويىنشا 27 جوبا، اباتتاندىرۋ جونىندە 18 جوبا، اۋلا اۋماقتارى مەن كوشە ۋچاسكەلەرىن كوگالداندىرۋ بويىنشا بىرنەشە جوبا ورىندالدى.
كوشە بويى اباتتاندىرىلدى، بۇتالار وتىرعىزىلدى، اعاش ەگىلدى، اۆتوماتتى سۋارۋ جۇيەلەرى ورناتىلدى. سونىڭ ناتيجەسىندە ساپالى ءارى جايلى قوعامدىق كەڭىستىكتەر پايدا بولدى.
بيىل گوگول، 77؛ قاراساي باتىر، 134ا؛ قۇرمانعازى، 171؛ تىلەندييەۆ، 2گ جانە ت.ب. مەكەنجايلارداعى اۋلالار جاڭارتىلدى. وندا زاماناۋي ويىن الاڭدارى، دەمالىس ايماقتارى، تۇراق ورىندارى پايدا بولدى.
الداعى ۋاقىتتا ماۋلەنوۆ كوشەسىنىڭ بويىنداعى (اباي داڭعىلىنان قۇرمانعازى كوشەسىنە دەيىن)، امانگەلدى كوشەسىنىڭ بويىنداعى (تولە بي كوشەسىنەن قازىبەك بي كوشەسىنە دەيىن) اۋماقتار، قالا ورتالىعىنداعى جايلى جۇرگىنشىلەر اللەياسىنا اينالعان ابىلاي حان داڭعىلىنان ماسانچي كوشەسىنە دەيىنگى قاراساي باتىر كوشەسى كوركەيتىلەدى.