ۆاكسيناسيالانعان بارلىق جاسوسپىرىمدەر ەرەسەكتەر سياقتى ۆاكسيناسيا پاسپورتىن الادى. بۇل تۋرالى بريفينگ بارىسىندا جانداربەك بەكشين ءمالىم ەتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«اتا-اناسى بالاعا ەكپە سالۋدان باس تارتسا، وندا بالاسىن قازاقستان رەسپۋبليكاسىنىڭ كونستيتۋسياسىندا كەپىلدىك بەرىلگەن دەنساۋلىقتى قورعاۋ قۇقىعىنان ايىرعانى. ايتا كەتەيىن، ۆاكسيناسيالانعان بارلىق جاسوسپىرىمدەر ەرەسەكتەر سياقتى ۆاكسيناسيا پاسپورتىن الادى»،-دەدى جانداربەك بەكشين.
ايتا كەتەيىك، بۇگىننەن باستاپ جاسوسپىرىمدەرگە ەكپە سالۋ باستالدى. الماتى قالالىق قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعالييەۆانىڭ دەرەگىنشە، مەگاپوليستە 12-17 جاس ارالىعىنداعى 1 619 بالا ەكپە الۋعا دايىن.
«12-17 جاستاعى 1 619 بالانىڭ ۆاكسينا العىسى كەلدى. ەگەر ءجاسوسپىرىم اتا-اناسىنىڭ كەلىسىمىنسىز ۆاكسيناسياعا كەلسە، مەديسينا قىزمەتكەرلەرى ولارمەن حابارلاسىپ، كەلىسىمىن سۇرايدى. تىزىمدەر بار، پەداگوگتار بىزگە كومەكتەسەدى»، - دەدى دارىگەر.