قازاقستان رەسپۋبليكاسى سىرتقى ىستەر ءمينيسترىنىڭ بۇيرىعىمەن دانيار رامازان ۇلى قادىروۆ «وتانداستار قورى» كەاق پرەزيدەنتى لاۋازىمىنا تاعايىندالدى، دەپ حابارلايدى Almaty-akshamy.kz.
دانيار قادىروۆ 1975 جىلى الماتى قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن.
ءوز ەڭبەك جولىن 1999 جىلى ق ر مادەنيەت مينيسترلىگىنىڭ بۇقارالىق اقپارات قۇرالدارى دەپارتامەنتىنىڭ جەتەكشى مامانى رەتىندە باستادى، سودان كەيىن 2004 جىلعا دەيىن وسى ۆەدومستۆونىڭ قۇرىلىمىندا ءارتۇرلى لاۋازىمداردى اتقاردى.
2000-2004 جىلدارى – ق ر ءبىلىم جانە عىلىم مينيسترلىگىنىڭ جاستار ساياساتى دەپارتامەنتىنىڭ باسقارما باسشىسى، ديرەكتورىنىڭ ورىنباسارى.
2005 جىلى جەرگىلىكتى اتقارۋشى ورگاندار قىزمەتىنە – ستەپنوگورسك قالاسى اكىمىنىڭ ورىنباسارى لاۋازىمىنا اۋىستى.
2007 جىلى ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ سەكتور مەڭگەرۋشىسى بولدى.
كەيىنىرەك، 2007 جىلى قازاقستاننىڭ موڭعولياداعى ەلشىلىگىندە كەڭەسشى-ۋاكىل لاۋازىمىنا ديپلوماتيالىق قىزمەتكە اۋىستى، سودان كەيىن 2013-2015 جىلدار ارالىعىندا قازاقستاننىڭ تۇرىكمەنستانداعى ەلشىلىگىندە كەڭەسشى-ۋاكىل لاۋازىمىندا جۇمىس ىستەدى.
2015-2019 جىلدارى ارالىعىندا «ق ر تەلەراديو حابارلارىن تاراتۋ وپەراتورلارىنىڭ قاۋىمداستىعى» زتب اتقارۋشى ديرەكتورى بولدى.
2019-2022 جىلدارى ق ر پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمى مەڭگەرۋشىسىنىڭ ورىنباسارى بولدى.
2022-2023 جىلدارى ق ر اقپارات جانە قوعامدىق دامۋ ۆيسە-مينيسترى بولىپ تاعايىندالدى.
«وتانداستار قورى» كەاق پرەزيدەنتى بولىپ تاعايىندالعانعا دەيىن 2023 جىلعى قاراشادان 2024 جىلعى ناۋرىزعا دەيىن ق ر مادەنيەت جانە اقپارات ۆيسە-مينيسترى بولدى.
2024 جىلى 18 ناۋرىزدا مادەنيەت جانە اقپارات ۆيسە-مينيسترى قىزمەتىنەن بوساتىلدى.