Medisys كومپانياسىنىڭ عالىمدارى وسىنداي قورىتىندىعا كەلگەن، دەپ حابارلايدى Almaty-akshamy.kz.
ساراپشىلار كەلەسىدەي ەسكەرتۋلەر جاسايدى: تۇنگى ۋاقىتتا از تىنىعۋ ادامعا مەتابوليكالىق پروبلەمالاردى نەمەسە سەمىزدىك، كۇيزەلىس، ۇنەمى شارشاۋ سەزىمى، ءتىپتى ينسۋلت پەن ينفاركت سياقتى قيىندىقتاردىڭ پايدا بولۋىنا اكەلۋى مۇمكىن.
8 ساعاتتان از ۇيىقتاۋ جانە كۇندىز سەرگەك ءجۇرۋ ادام اعزاسىنىڭ كوگنيتيۆتى قىزمەتىنە كەرى اسەر ەتەدى. ادام قالىپتى ۇيقى رەجيمىندە ورىنداي الاتىن مىندەتتەرىن ورىنداي المايدى. ۇيقىنىڭ بولماۋى زەيىننىڭ شوعىرلانۋىنا دا اسەر ەتەدى. سوندىقتان ۇيقى قانباعان كەزدە ساراپشىلار كولىك جۇرگىزبەۋگە كەڭەس بەرەدى.
ۇيقىنىڭ ۇنەمى قانباي ءجۇرۋىن عالىمدار ماسكۇنەمدىكتىڭ سوزىلمالى تۇرىمەن سالىستىرادى. تۇندە ورگانيزمدە ومىرلىك ماڭىزدى جانە ماڭىزدى گورموندار - مەلانين مەن سوماتوتروپين بولىنەدى. ول تابەتتى ارتتىرۋى مۇمكىن. نيەۆرولوگيا سالاسىنداعى تانىمال عالىم ادريان وۋەن وسىنداي قورىتىندىعا كەلدى.
جالپى، از ۇيىقتاۋ كۇيزەلىستى تۋدىرادى، بۇل ميدىڭ بەلسەندىلىگىن تومەندەتەدى. ناتيجەسىندە مي ءوزىن جەيدى. ادامنىڭ ءوزىن ناشار سەزىنۋىنەن باسقا، سىرت كەلبەتى دە ايتارلىقتاي وزگەرەدى. سىلبىرلىق، تەرىنىڭ بوزارۋى، كوزدىڭ قىزارۋى جانە ءىسىنۋ – بۇل ادامنىڭ جەتكىلىكتى ۇيىقتاماعانىن كورسەتەدى. سونداي-اق، ۇيقىنىڭتە قانباي جۇرۋىنەن تەرىنىڭ ەرتە قارتايۋى دا بايقالادى.