وتان قورعاۋ – قاسيەتتى پارىز

الاتاۋ اۋدانى وتان قورعاۋشىلار كۇنىن اتاپ ءوتتى. 

7 مامىر – وتان قورعاۋشىلار كۇنى، 9 مامىر - جەڭىس كۇنى مەرەكەلەرىنە وراي، الاتاۋ اۋدانى اكىمدىگى الدىنداعى الاڭىندا ورنالاسقان «ەر ەسىمى – ەل ەسىندە» ەسكەرتكىشىنە گۇل شوقتارىن قويۋ ءراسىمى ۇيىمداستىرىلدى، دەپ حابارلايدى اlmaty-akshamy.kz.

ءىس-شاراعا اۋدان اكىمى، اۋدان ارداگەرلەرى، اۋعان سوعىسى ارداگەرلەرى مەن جاستار قاتىستى. ماڭىزدى جيىن كەزىندە اۋدان اكىمى ازامات قالدىبەكوۆ، اۋداندىق ارداگەرلەر كەڭەسىنىڭ ءتوراعاسى ساعاتۋللا تاۋبالدى، اۋعان سوعىسى ارداگەرلەرى ءسوز سويلەدى. گۇل شوقتارىن قويۋ راسىمىنەن سوڭ، «اتلەتيكالىق اۋىل» ايماعىندا ارداگەرلەر مەن اۋدان تۇرعىندارىنا ارنالعان مەرەكەلىك كونسەرت ۇيىمداستىرىلىپ، ەسترادا انشىلەرى اسقار جۇنىسبەكوۆ، سەيفۋللين جولبارىس، ديماش داۋلەتوۆ، «زيرا»، «مەرەي» انسامبلدەرى، باسقا دا وتاندىق ونەرپازدار، شىعارماشىلىق ۇيىمدار ونەر كورسەتتى. مەرەكەلىك كونسەرتتەن كەيىن اۋدان اكىمدىگىنىڭ ۇيىمداستىرۋىمەن اۋماقتىڭ ەڭبەك ارداگەرلەرى مەن اۋعان سوعىسى ارداگەرلەرىنە (200-دەي ادام) مەيرامحانادا داستارقان جايىلىپ، ازىق-تۇلىك سەبەتى تاراتىلدى.