ارتىق سالماقتان ارىلامىن دەپ كوز جۇمعان ايەل تۋرالى كەشە حابارلاعانبىز.
قۇرالاي باتىرحانوۆانىڭ جاقىندارى بولعان ىسكە دارىگەرلەردى كىنالاپ وتىر، دەپ حابارلايدى Almaty-akshamy.kz
سوزدەرىنشە، مارقۇم تەك ارتىق سالماقتان ارىلىپ، سالاۋاتتى ءومىر سالتىن ۇستانعىسى كەلىپتى. ايەل وتا ءۇشىن 2 ميلليون تەڭگە تولەگەن ەكەن. مارقۇمنىڭ ارتىندا 3 بالاسى قالدى.
ايەلدىڭ جاقىندارى ناۋقاستىڭ كوز جۇمعانى دا بىردەن حابارلانبادى دەيدى. ايتۋىنشا، ورتالىق دارىگەرلەرى وتادان سوڭ ءبارى جاقسى بولاتىنىنا 100 پايىز سەندىرگەن.
مەكەمەنىڭ باس دارىگەرى ءولىمنىڭ ناقتى سەبەبى انىقتالمايىنشا اقپارات بەرۋدەن باس تارتتى.
“ناۋقاسقا ءىش مايىن الىپ تاستاۋ وتاسى جاسالعان ەدى. مەن باسىمدى الىپ قاشپايمىن. ءولىمنىڭ ناقتى سەبەبى انىقتالسىن. ازىرگە بار ايتارىم وسى”، – دەدى "AMIRA" پلاستيكالىق حيرۋرگيا جانە كوسمەتولوگيا كلينيكاسىنىڭ باس دارىگەرى دانيار ۋرمۋزين.
ال پوليسيا بۇل جايتقا قاتىستى قىلمىستىق ءىس قوزعالعانىن مالىمدەدى. پروسەسسۋالدىق شەشىم سوت-مەديسينالىق ساراپتاما قورىتىندىسى شىققاندا عانا بەلگىلى بولادى.