وسى ۋاقىتقا دەيىن ادام ميىنا قانشا مولشەردە ميكروپلاستيك جينالعانى انىقتالدى

عالىمدار ادام ميىنان ميكروپلاستيكتەردىڭ ىزدەرىن تاپتى.

بىلىكتى مامانداردىڭ ايتۋىنشا، بۇگىندە ميكروپلاستيك ادام ميىنىڭ 0،5 پايىزىن قۇراسا، بولاشاقتا بۇل كورسەتكىش ارتادى، دەپ حابارلايدى aqshamnews.kz.

بۇل جايىندا islam.kz پورتالى The Hill اقپارات كوزىنە سىلتەمە جاساي وتىرىپ ءمالىم ەتەدى.

2024 جىلى اۋتوپسيا، ياعني، تەكسەرۋ بارىسىندا 45 پەن 50 جاس ارالىعىنداعى ادامداردىڭ ميىندا گرامىنا شاققاندا 4،8 مىڭ ميكروگرامم كونسەنتراسيادا پلاستيكالىق بولشەكتەر تابىلدى، بۇل مولشەر ۇلپا سالماعىنىڭ شامامەن 0،5%-ن قۇرايدى. بۇل كورسەتكىش 2016 جىلعى مي ۇلگىلەرىندە كەزدەسكەن ميكروپلاستيك مولشەرىنەن 50%-عا كوپ. بۇل تاراپتاعى زەرتتەۋ ناتيجەسىندە ميدا ۇساق پلاستماسسالاردىڭ كونسەنتراسياسى، ياعني، شوعىرلانۋ دەڭگەيى باۋىر نەمەسە بۇيرەككە قاراعاندا جوعارى ەكەنى جانە بارلىق اعزالارداعى پلاستيكتىڭ مولشەرى ۋاقىت وتە كەلە ايتارلىقتاي ارتقانى انىقتالىپ وتىر. ال ميعا جينالعان ميكروپلاستيكتىڭ ەمى جوق السگەيمەر سەكىلدى الجۋ دەرتىنىڭ پايدا بولۋ ءقاۋپىن ارتتىراتىنى بۇرىنعى زەرتتەۋلەردەن بەلگىلى بولعان ەدى.