وسى جولعى قحا سەسسياسىنىڭ ءجونى بولەك – اسىلى وسمان

اسسامبلەيا مۇشەلەرىنىڭ قازاق تىلىندە بايانداما جاساعانى كوڭىلىمە مەدەۋ بولدى

قوعام قايراتكەرى اسىلى وسمان بۇگىنگى قازاقستان حالقى اسسامبلەياسىنىڭ «ەل بىرلىگى – جاڭارعان قازاقستاننىڭ تىرەگى» اتتى ءحححى سەسسياسىندا كوتەرىلگەن ماسەلەلەرى تۋرالى ايتىپ بەردى، دەپ حابارلايدى Almaty-akshamy.kz Baq.kz اگەنتتىگىنە سىلتەمە جاساپ.

ونىڭ ايتۋىنشا، وسى جولعى سەسسيا قوعامنىڭ تالابىنا ساي وتكەن. سەسسيادا مەملەكەت باسشىسىنىڭ قازىرگى رەفورمالارىن حالىققا كەڭىنەن ءتۇسىندىرىپ، ونى جۇزەگە اسىرۋعا اتساسىلۋ ماسەلەسى قوزعالعان. ودان بولەك اسسامبلەيا مۇشەلەرىنىڭ قازاق تىلىندە بايانداما جاساعانى كوڭىلىمە مەدەۋ بولدى، دەيدى  قوعام قايراتكەرى.

"جيىن بارىسىندا پرەزيدەنت قولعا الىنعان رەفورمالار مەن جاڭا قازاقستاندى قالاي تۇرلەندىرەتىنىمىز جايلى باياندادى. دەگەنمەن، ايتىلۋ بار دا ونى جۇزەگە اسىرۋ بار. بۇل رەفورمانىڭ بارلىعى 1-2 كۇندە بولاتىن نارسە ەمەس، ءبىراق قازاقتا «الىس ساپار – قادامنان باستالادى» دەگەن ءسوز بار. وزگەرىستى ءبارىمىز بۇگىننەن باستاۋىمىز كەرەك جانە بۇل بىر-ەكى ادامنىڭ قولىنان كەلمەيدى، قوعام بولىپ جۇمىلۋىمىز كەرەك"، - دەدى اسىلى وسمان.

سونىمەن قاتار ول جيىندا كونستيتۋسياعا ەنگىزىلەتىن وزگەرىستەر مەن مەملەكەتتىك ءتىل تۋرالى ايتىلعانىن جەتكىزدى.

"اتقارىلىپ جاتقان ءىستىڭ بارلىعىنا كوڭىلىم تولادى، الايدا مەملەكەتتىك ءتىلدى ءبىرىنشى ورىنعا قويامىز دەپ ايتقانىمەن، ونىڭ ورىندالماي جاتقانى كوڭىلىمدى كونشىتەدى. اسسامبلەيانىڭ قۇرىلعانىنا 27 جىل بولدى، ولار قازاقتىڭ توڭىرەگىنە توپتاسىپ، ەلىمىزدەگى كەمشىلىكتەردى، ونىڭ ىشىندە تىلگە قاتىستى ماسەلەنى  ايتۋى كەرەك ەدى. ءبىراق ونداي بولمادى، ياعني قازاق ءتىلىنىڭ ءوز تۇعىرىنا قونباعانى مەنى اشىندىرادى"، - دەدى ول.