2 ايدان ءسال استام ۋاقىت ىشىندە التىن تورتتەن بىرىنە جۋىق ارزاندادى.
ۇلتتىق بانكتىڭ مالىمەتىنشە، 20 مامىرداعى جاعداي بويىنشا 1 گرامم التىننىڭ رەسمي قۇنى 25 320،7 تەڭگە بولدى، دەپ حابارلايدى Almaty-akshamy.kz Inbusinness.kz سىلتەمە جاساپ.
بۇل اي باسىنداعى كورسەتكىشتەن 2168 تەڭگەگە از.
ەسكە سالا كەتسەك، اتالعان باعالى مەتال 10 ناۋرىزدا ءوزىنىڭ شارىقتاۋ شەگىنە جەتتى، ول كەزدە التىننىڭ الەمدىك باعاسىنىڭ ءوسۋى جانە تەڭگەنىڭ السىرەۋى اياسىندا ءبىر گرامنىڭ باعاسى العاش رەت 33 000 تەڭگەدەن استى.
سودان بەرى باعا تۇراقتى تۇردە تومەندەدى. 2 ايدان ءسال استام ۋاقىت ىشىندە التىن تورتتەن بىرىنە جۋىق ارزاندادى: 1 گراممنىڭ رەسمي قۇنى 7،7 مىڭنان استام تەڭگەگە تومەندەدى. ياعني، ورتاشا ەسەپپەن وسى ۋاقىت ارالىعىندا التىن كۇن سايىن 110 تەڭگەگە ارزانداعان.