جەڭىلدەتىلگەن اۆتونەسيەلەۋ باعدارلاماسى بويىنشا العاشقى كولىك بەرىلدى

ءاۆتوموبيلدىڭ يەسى ينجەنەر بەكزات تىلەگەن 16 مامىردا بانك سەنتركرەديت ارقىلى ءوتىنىش بەرگەن.

قازاقستان استاناسىندا جەڭىلدەتىلگەن اۆتونەسيەلەۋ باستالعاننان بەرى نەبارى ءتورت كۇن وتكەن سوڭ، جاڭا كولىكتىڭ كىلتىن باعدارلامانىڭ ءبىرىنشى قاتىسۋشىسىنا تابىستادى، - دەپ حابارلايدى Almaty-akshamy.kz قازاقستان اۆتوبيزنەس قاۋىمداستىعىنا سىلتەمە جاساپ.

«بۇل، شىن مانىندە، كۇتپەگەن جاعداي. كوپتەگەن تىلەك بىلدىرۋشىلەردىڭ اراسىندا ءوتىنىش بەردىم، سول كەزدە مەنىڭ قىزىمنىڭ تۋعان كۇنى بولدى. بارلىق پروسەدۋرالاردان ءوتىپ، ۇيگە كەتتىم. ءبىراق مەن شيەۆرولە مەنەدجەرلەرىنەن كەرى قوڭىراۋ الامىن دەپ ويلامادىم، ولار ساتىپ الۋ-ساتۋ شارتىن جاساۋعا بولادى دەدى. قىزمەتكەرلەرگە ۇلكەن جانە ۇيلەسىمدى جۇمىس ءۇشىن العىس ايتامىن. بۇگىن ءبىز كىلتتى الىپ جاتىرمىز. بۇل ءبىزدىڭ وتباسىمىز ءۇشىن سالونداعى العاشقى ماشينا جانە دە ءبىز ءۇشىن - بۇل ايتۋلى وقيعا»، - دەپ ءوز اسەرىمەن ءبولىستى بەكزات تىلەگەن.

ءوتىنىش بەرۋشىلەر باعدارلاما شارتتارىنا تولىق سايكەس كەلگەن جاعدايدا، اۆتوسالوندار مەن ەكىنشى دەڭگەيدەگى بانكتەر اۆتوموبيلدەردى كەزەڭ-كەزەڭمەن بەرۋگە دايىن. ونەركاسىپتى دامىتۋ قورى اتاپ وتىلگەندەي، باعدارلاماعا قاتىسۋشى بانكتەر 31،7 ملرد تەڭگە سوماسىنا 4290 ءوتىنىم ماقۇلدادى.