ءقازىر 8 مەملەكەتتىك مەكتەپتىڭ قۇرىلىسى جۇرگىزىلۋدە
الماتىدا ورتا ءبىلىم بەرۋ سالاسىندا 291 مەكتەپ جۇمىس ىستەيدى. سونىڭ 207ء-سى مەملەكەتتىك مەكتەپ. بۇل تۋرالى الماتى اكىمى باقىتجان ساعىنتايەۆ instagram-داعى پاراقشاسىنا جازدى.
بارلىعى 303 110 وقۋشى ءبىلىم الادى. بۇل وتكەن وقۋ جىلىمەن سالىستىرعاندا 12 مىڭنان استام وقۋشىعا ارتىق. بۇگىندە وقۋشى ورنى تاپشىلىعى – 33 812.
«بۇل ماسەلەنى شەشۋ ءۇشىن «قادامدىق قولجەتىمدىلىك» قاعيداتى اياسىندا 12 600 ورىنعا ارنالعان 8 مەملەكەتتىك مەكتەپتىڭ قۇرىلىسى جۇرگىزىلۋدە. سونىڭ ىشىندە 5100 ورىنعا ارنالعان 3 مەكتەپ بيىل جەلتوقسان ايىندا پايدالانۋعا بەرىلەدى»،-دەپ جازدى قالا اكىمى.
8263 ورىنعا ارنالعان مەكتەپكە جاپسارلاس 17 جاڭا كورپۋستىڭ قۇرىلىسى جالعاسۋدا. بۇل رەتتە 4600 ورىندى 11 كورپۋستىڭ قۇرىلىس-مونتاجداۋ جۇمىسى ءبىتتى. قالعان 3663 ورىندى 6 عيماراتتىڭ قۇرىلىسى بيىل جىل سوڭىنا دەيىن اياقتالادى. جاڭا وقۋ جىلىنىڭ باسىندا جەكە ينۆەستيسيا ەسەبىنەن 2656 ورىندى 13 جەكەمەنشىك مەكتەپ اشىلدى.