كۇدىكتى قارا سومكە
وسكەمەن قالاسىندا پوليسيا قىزمەتكەرلەرى كۇدىك تۋدىرعان سومكەگە بايلانىستى اۋەجايدى قورشاۋعا الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
شقو پوليسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 20 ناۋرىزدا وسكەمەندە كۇدىك تۋدىرعان سومكەگە وراي اۋەجاي قورشاۋعا الىندى.
«قالالىق پب پوليسيا قىزمەتكەرلەرى اۋەجاي تۇراعىن پاترۋلدەۋ بارىسىندا كۇدىكتى قارا سومكەنى تاپقان. سيگنال تۇسكەننەن كەيىن مامانداندىرىلعان قىزمەتتەر دەرەۋ وقيعا ورنىنا باردى. تەكسەرۋ ناتيجەلەرى بويىنشا قانداي دا ءبىر ءقاۋىپتى زاتتار تابىلعان جوق»، - دەلىنگەن اقپاراتتا.
ەسكە سالساق، اقپان ايىندا قالاداعى مەكتەپتەردە بومبا قويىلعانى تۋرالى بىرنەشە كۇن قاتارىنان حابار تۇسكەنىن حابارلاعان ەدىك.
الايدا بۇل حابارلاردىڭ بارلىعى جالعان بولىپ شىقتى.