وسكەمەن قالاسىنىڭ پروكۋرورى ۆيلوري پان ماس كۇيىندە جول اپاتىنا تۇسكەننەن كەيىن قىزمەتىنەن بوساتىلىپ، اكىمشىلىك قاماۋعا الىندى، دەپ حابارلايدى Aqshamnews.kz ءتىلشىسى.
شىعىس قازاقستان وبلىسىنىڭ پروكۋراتۋراسى مالىمدەگەندەي، ۆ.پان قۇقىق قورعاۋ ورگاندارىنىڭ بەدەلىن تۇسىرەتىن ارەكەت جاساعانى ءۇشىن «قۇقىق قورعاۋ قىزمەتى تۋرالى» زاڭعا سايكەس پروكۋراتۋرا جۇيەسىنەن شىعارىلىپ، «1-دارەجەدەگى زاڭگەر» شەنىنەن ايىرىلدى.
3 قازان كۇنى ارنايى اكىمشىلىك سوتتىڭ شەشىمىمەن پان ماس كۇيىندە كولىك باسقارعانى ءۇشىن كىنالى دەپ تانىلىپ، 20 تاۋلىككە اكىمشىلىك قاماۋعا جانە جەتى جىلعا كولىك جۇرگىزۋ قۇقىعىنان ايىرىلدى.
بۇعان دەيىن تاراتىلعان اقپاراتقا سايكەس، ول جول اپاتى كەزىندە كولىگىمەن شام باعاناسىنا سوعىلعان.