وسكەمەن قالاسىندا 57 جاستاعى ەر ادامنىڭ ولىمىنە قاتىستى كۇدىكتى قولعا ءتۇستى، دەپ حابارلايدى Aqshamnews.kz ءتىلشىسى.
شىعىس قازاقستان وبلىستىق پوليسيا دەپارتامەنتىنىڭ مالىمەتىنشە، 4 قاراشادا قالاداعى ۇيلەردىڭ ءبىرىنىڭ اۋلاسىنان 57 جاستاعى ەر ادامنىڭ دەنەسى تابىلعانى جونىندە پوليسياعا حابار تۇسكەن.
"ءىزىن سۋىتپاي جۇرگىزىلگەن جەدەل ءىس-شارالار ناتيجەسىندە كۇدىكتى انىقتالىپ، ۇستالدى. ءقازىر ول ۋاقىتشا ۇستاۋ يزولياتورىنا قامالدى. اتالعان فاكتى بويىنشا ق ر قك-نىڭ 99-بابى (ادام ءولتىرۋ) بويىنشا قىلمىستىق ءىس قوزعالدى"، – دەپ حابارلادى دەپارتامەنت.
الدىن الا بولجام بويىنشا، قىلمىس تۇرمىستىق جانجال سالدارىنان بولعان. ءقازىر وقيعانىڭ بارلىق ءمان-جايىن انىقتاۋ ءۇشىن تەرگەۋ امالدارى جۇرگىزىلىپ جاتىر.