وسك ءتوراعاسى الماتىلىقتارمەن كەزدەستى

كەزدەسۋدە سايلاۋدى وتكىزۋدى وڭتايلاندىرۋ جولدارى قاراستىرىلدى.

«ەلىمىزدە سايلاۋ ەرەجەسىنە ساي، ءادىل ءوتۋى ءتيىس». بۇگىن ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ الماتى قالاسىنىڭ قوعام بەلسەندىلەرىمەن، ۇكىمەتتىك ەمەس ۇيىمداردىڭ وكىلدەرىمەن، ءماسليحات دەپۋتاتتارىمەن جانە تاۋەلسىز باقىلاۋشىلارمەن كەزدەستى، دەپ حابارلايدى Almaty-akshamy.kz Almaty.tv سىلتەمە جاساپ.

 جيىندا سايلاۋدى وتكىزۋدى وڭتايلاندىرۋ جولدارى قاراستىرىلدى. ايتا كەتەيىك، جىل باسىنان بەرى نۇرلان ءابدىروۆ ەلىمىزدىڭ 14 ءوڭىرىن ارالاپ، حالىقپەن وسىنداي كەزدەسۋ وتكىزىپ كەلەدى.

«پرەزيدەنتىمىزدىڭ ماعان بەرگەن تاپسىرماسى ەل ارالاپ كەلىڭىز، بۇكىل حالىقپەن كەزدەسىڭىز. ول اشىق اڭگىمە بولسىن، كوكەيىندەگى مۇڭ-مۇقتاجى بار بولسا ەستىپ، ناقتى ۇسىنىستارىن تىڭدايىق.  سۇراقتارىنا جاۋاپ بەرىپ، زاڭ جۇيەسىندە ءتيىستى وزگەرتۋلەر قاجەت بولعان جاعدايدا ونى دا ويلاستىرايىق دەدى»، – دەدى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ.

جاستار پىكىرى دە نازاردان تىس قالعان جوق. الماتىلىق ستۋدەنتتەرمەن كەزدەسكەن ورتالىق سايلاۋ كوميسسياسىنىڭ ءتوراعاسى سايلاۋدى سيفرلاندىرۋ، ساياسي رەفورمالاردى جۇزەگە اسىرۋ سىندى ماسەلەلەردى ورتاعا سالدى.

«نۇرلان ءماجىت ۇلىنىڭ ايتىپ وتىرعانى - حالىقتى ەستيىك، تىڭدايىق. قانداي جۇمىستا وزگەرىستەر ەنگىزۋىمىز كەرەك. ەرتەڭ زاڭناما قابىلدانادى، سول كەزدە نە كىرگىزۋ كەرەك؟ سايلاۋ حالىق ءۇشىن عوي. ەل ءۇشىن. سوندىقتان مۇنداي كەزدەسۋلەردىڭ پايداسى زور»، – دەدى قوعامدىق كەڭەس ءتوراعاسى راحمان الشانوۆ.