قارجى سايلاۋ كوميسسيالارى مۇشەلەرىنىڭ جۇمىسقا ناقتى كىرىسۋ ەسەبىنەن ۇنەمدەلگەن.
ق ر ورتالىق سايلاۋ كوميسسياسى 2022 جىلعى 5 ماۋسىمدا قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا رەسپۋبليكالىق رەفەرەندۋم وتكىزۋگە بۇرىن بولىنگەن 16،5 ملرد تەڭگەنىڭ 1،6 ملرد تەڭگەسىن رەسپۋبليكالىق بيۋدجەتكە قايتاردى، دەپ حابارلايدى Almaty-akshamy.kz Zakon.kz-كە سىلتەمە جاساپ.
قازاقستان رەسپۋبليكاسى ورتالىق سايلاۋ كوميسسياسىنىڭ سايتىنداعى حابارلامادا اتاپ وتىلگەندەي، قارجى مەملەكەتتىك ساتىپ الۋدى وڭتايلاندىرۋ جانە سايلاۋ كوميسسيالارى مۇشەلەرىنىڭ جۇمىسقا ناقتى كىرىسۋ ەسەبىنەن ۇنەمدەلگەن.
قازاقستاندا 5 ماۋسىمدا ەل كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا رەسپۋبليكالىق رەفەرەندۋم ءوتتى.
7 ماۋسىمدا رەفەرەندۋمنىڭ قورىتىندىسى جاريالاندى. رەفەرەندۋمنىڭ ورتالىق كوميسسياسىنىڭ مالىمەتى بويىنشا، داۋىس بەرۋگە بارلىعى 7 985 769 قازاقستاندىق نەمەسە 68،05% قاتىستى. داۋىس بەرۋ ساعات 07:00-دەن 20:00-گە دەيىن جالعاستى.
8 ماۋسىمدا «قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى كۇشىنە ەندى.