بۇل تۋرالى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ مالىمدەدى.
ورتالىق سايلاۋ كوميسسياسى كونستيتۋسياعا وزگەرىستەر ەنگىزۋ بويىنشا رەفەرەندۋم وتكىزۋگە دايىن، بۇكىلحالىقتىق داۋىس بەرۋدى ۇيىمداستىرۋدىڭ بارلىق قاجەتتى ءراسىمى اياقتالدى، دەپ حابارلايدى Almaty-akshamy.kz
ونىڭ ايتۋىنشا، ورتالىق سايلاۋ كوميسسياسى جانە باسقا دا ۋاكىلەتتى ورگاندار حالىقتى رەفەرەندۋم تۋرالى حاباردار ەتۋ ءۇشىن «قاجەتتىنىڭ ءبارىن جاسادى». ازاماتتاردىڭ سايلاۋشىلار تىزىمىندە ءوزىن تابۋعا جانە قاي ۋچاسكەدە داۋىس بەرە الاتىنىن بىلۋىنە مۇمكىندىك جاسالعان.
رەفەرەندۋمعا شىعارىلاتىن كونستيتۋسياعا تۇزەتۋلەر قاسىم-جومارت توقايەۆ ۇسىنعان ساياسي رەفورمالار جوسپارىن ورىنداۋ ءۇشىن ازىرلەندى. ءابدىروۆ تۇزەتۋلەر «سۋپەرپرەزيدەنتتىك» باسقارۋ فورماسىنان كۇشتى پارلامەنتى مەن ەسەپ بەرەتىن ۇكىمەتى بار پرەزيدەنتتىك رەسپۋبليكاعا كوشۋدى بەكىتۋگە ارنالعانىن اتاپ ءوتتى.
مۇنداي تالاپتار كوميسسيانىڭ، ەسەپ كوميتەتىنىڭ ءتوراعالارى مەن مۇشەلەرىنە، وڭىرلەردىڭ باسشىلارى مەن ولاردىڭ ورىنباسارلارىنا قولدانىلادى. تۇزەتۋلەر سونداي-اق مەملەكەت باسشىسىنىڭ جاقىن تۋىستارىنىڭ مەملەكەتتىك جانە كۆازيمەملەكەتتىك قۇرىلىمداردا باسشى لاۋازىمدارعا ورنالاسۋىنا تىيىم سالۋدى كوزدەيدى.
ءبىرقاتار تۇزەتۋ ازاماتتاردىڭ قۇقىعى مەن بوستاندىعىن ساقتاۋعا، سونىڭ ىشىندە كونستيتۋسيالىق سوت قۇرۋعا، ومبۋدسمەن مارتەبەسىن كونستيتۋسيالىق دەڭگەيدە بەكىتۋگە جانە ءولىم جازاسىنا تولىقتاي تىيىم سالۋعا باعىتتالعان.
سونداي-اق، جاڭارتىلعان كونستيتۋسيادا ەلدىڭ تۇڭعىش پرەزيدەنتىنىڭ مارتەبەسى مەن وكىلەتتىگى تۋرالى ايتىلمايدى.
قازاقستان كونستيتۋسياسىنا وزگەرىستەر مەن تولىقتىرۋلار قابىلداۋ ماسەلەسى بويىنشا رەسپۋبليكالىق رەفەرەندۋم 5 ماۋسىمدا وتەدى.
بۇعان دەيىن باس پروكۋراتۋرا وكىلى رەفەرەندۋمعا دايىندىق كەزىندە زاڭبۇزۋشىلىق بولماعانىن حابارلادى.