كەز كەلگەن ناۋقاننىڭ 80 پايىزىن جالاقى قورى قۇرايدى.
ورتالىق سايلاۋ كوميسسياسى پرەزيدەنت سايلاۋىن وتكىزۋ ءۇشىن قارجى مينيسترلىگىنەن سۇرالعان سومانى ءتۇسىندىردى، دەپ حابارلايدى Almaty-akshamy.kz
«ەڭبەكاقى قورى بارلىق دەڭگەيدەگى سايلاۋ كوميسسيالارىنىڭ 70 مىڭنان استام مۇشەسىنەن تۇرادى. ولاردىڭ ەڭبەكاقىسى ەڭ تومەنگى جالاقى مقلشەرىنە سايكەس كەلەدى. 2019 جىلى ەڭ تومەنگى جالاقى 42 500 تەڭگە بولسا، بيىل 60 مىڭ تەڭگە. بۇل - سايلاۋ ناۋقانىنىڭ سمەتاسىنداعى ۇلكەن سەكىرىس. ەڭ اۋەلى كەز كەلگەن ناۋقاننىڭ 80 پايىزىن جالاقى قورى قۇرايدى، بۇل سوعان بايلانىستى. بۇگىنگە دەيىن ءبىز قارجى مينيسترلىگىنە سايلاۋ ناۋقانىن وتكىزۋگە كەتەتىن شىعىننىڭ شامامەن سمەتاسىن ۇسىنىپ، ءقازىر 20،5 ميلليارد تەڭگەنى تالقىلاۋ ۇستىندەمىز»، - دەدى ق ر وسك مۇشەسى ءسابيلا مۇستافينا.
ونىڭ ايتۋىنشا، وسك جاڭا وڭىرلەر مەن جاڭا سايلاۋ ۋچاسكەلەرىنىڭ قۇرىلۋىنا بايلانىستى سايلاۋ جاشىگىن ساتىپ الۋ ءۇشىن بەلگىلى ءبىر سومانى سۇراعان.