سۋبسيديالاۋ ءتارتىبى وزگەرەدى.
اۋىل شارۋاشىلىعى مينيسترلىگىنىڭ مالىمەتىنشە، ەندى وسىمدىك شارۋاشىلىعى ونىمدەرى جاڭا تارتىپپەن سۋبسيديالانادى، دەپ حابارلايدى Almaty-akshamy.kz. 24.kz-كە سىلتەمە جاساپ.
ەلىمىزدىڭ وسىمدىك شارۋاشىلىعى ونىمدەرىنىڭ ونىمدىلىگى مەن ساپاسىن ارتتىرۋدى سۋبسيديالاۋ قاعيدالارىنا وزگەرىستەر ەنگىزىلدى.
«قاراقۇمىق جانە مايلى داقىلدار وسىرۋمەن اينالىساتىن اۋىل شارۋاشىلىعى تاۋارىن وندىرۋشىلەردى مەملەكەتتىك قولداۋ جانە وسى داقىلداردى قايتا وڭدەۋمەن اينالىساتىن كاسىپورىنداردىڭ جۇكتەمەسىن ۇلعايتۋ ءۇشىن جانە ىشكى نارىقتاعى باعانى تۇراقتاندىرۋ ماقساتىندا قازاقستان رەسپۋبليكاسىنىڭ اۋىل شارۋاشىلىعى مينيسترلىگى «وسىمدىك شارۋاشىلىعى ءونىمىنىڭ ونىمدىلىگى مەن ساپاسىن ارتتىرۋدى سۋبسيديالاۋ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2020 جىلعى 30 ناۋرىزداعى №107 بۇيرىعىنا وزگەرىستەر مەن تولىقتىرۋلار ەنگىزۋ تۋرالى» 2021 جىلدىڭ 10 تامىزىنداعى №236 بۇيرىعىن قابىلدادى»، - دەلىنگەن ق ر اشم تاراتقان مالىمەتتە.
بۇيرىق بيىلعى جانە وتكەن جىلدىڭ ءتورتىنشى توقسانىندا قايتا وڭدەۋ كاسىپورنىنا نەمەسە وڭدەۋ قۇرىلىمدارىنا قايتا وڭدەۋگە بەرىلگەن ءونىم شىعىندارىن ءىشىنارا وتەۋ ءۇشىن قاراقۇمىق پەن مايلى داقىلدار وسىرگەن فەرمەرلەرگە نەمەسە اۋىل شارۋاشىلىعى كووپەراتيۆتەرىنە سۋبسيديا تولەۋدى كوزدەيدى. سونىمەن قاتار بۇيرىقتا قورعالعان توپىراقتا وسىرىلەتىن قىزاناق پەن قيار داقىلدارىنىڭ تۇقىمىنا، تىڭايتقىشقا جانە پەستيسيدتەرگە (بيواگەنتتەرگە) جۇمسالعان شىعىندارىن ءىشىنارا وتەۋ شارالارى قاراستىرىلعان.
بۇل رەتتە قىزاناق پەن قياردىڭ ەليتالىق تۇقىمدارى جانە ءبىرىنشى ۇرپاق بۋداندارىنىڭ تۇقىمدارى بويىنشا سۋبسيديالار قىزاناق پەن قياردى ونەركاسىپتىك جىلىجاي كەشەندەرىندە قورعالعان توپىراق جاعدايىندا وسىرەتىن فەرمەرلەرگە (اۋىل شارۋاشىلىعى كووپەراتيۆتەرىنە) ارنالادى. سونىمەن قاتار، بۇيرىقتا جەكە مەنشىگىندە نەمەسە جەر پايدالانۋ قۇقىعىندا وزگە ساناتتاعى (اۋىل شارۋاشىلىعىنا ارنالماعان) جەرى بار فەرمەر (اۋىل شارۋاشىلىعى كووپەراتيۆى) اۋىل شارۋاشىلىعى داقىلدارىن ونەركاسىپتىك جىلىجاي كەشەنىندە وسىرگەن كەزدە تۇقىمعا، تىڭايتقىشقا، پەستيسيدكە (بيواگەنتتەرگە) سۋبسيديا تولەۋ نورماسى بار.