الماتى قالاسىنىڭ اكىمى باقىتجان ساعىنتايەۆ الداعى كۇزگى اعاش وتىرعىزۋ ماۋسىمى تۋرالى اقپارات بەردى. شاھار باسشىسىنىڭ ايتۋىنشا، اعاشتاردى جاپپاي وتىرعىزۋ ەلدى مەكەندەردەگى جولداردىڭ بويىنا، نەگىزىنەن ناۋرىزباي مەن الاتاۋ اۋداندارىنداعى «العاباس»، «شۇعىلا» جانە تاعى باسقا تۇرعىن كەشەندەرىنىڭ اينالاسىنا وتىرعىزىلادى، دەپ حابارلايدى almaty-akshamy.kz
سونىمەن قاتار، ماگيسترالدى كوشەلەردىڭ – رىسقۇلوۆ، اباي، ءال-فارابي داڭعىلدارىنىڭ، تيميريازيەۆ كوشەسىنىڭ بويىنا: تروتۋارلاردىڭ، ءبولۋ جولاقتارىنىڭ بويىنا، اعاش جوق جەرلەرگە جانە ماگيسترالدى كوشەلەردەگى ۇڭگىلەۋ جۇمىستارى اياقتالعان – اباي داڭعىلى، الاتاۋ كوشەسىنىڭ بويىنا وتىرعىزىلادى.
ءۇي جانىنداعى اۋلالاردى كوگالداندىرۋ ءۇشىن تۇرعىندارمەن ءداستۇرلى «جاسىل اۋلا» اكسياسى وتەدى. بارلىعى 300 مىڭ اعاش وتىرعىزۋ جوسپارلانۋدا. ايتا كەتەرلىگى، كوكتەمدە 64،5 مىڭ اعاش وتىرعىزىلدى.
بيىل تامىر جايۋى تومەن ءارى اۋرۋعا بەيىم بولۋىنا بايلانىستى قالا جوكە اعاشى، ءساناعاش، بوز ارشادان باس تارتادى. اۋدانداستىرىلعان اعاشتارعا، ونىڭ ىشىندە «قازاقستان» تەرەگى مەن قاراعاشقا باسىمدىق بەرىلەدى.
قالالىقتاردىڭ سۇراقتارىنا جاۋاپ بەرە كەلىپ، اكىم «جاسىل الماتى» اكسياسى اياسىندا سوسنوۆىي بوردا 5،5 مىڭ قاراعاي وتىرعىزىلعانىن ايتتى. «تابيعات» ەىۇ قورىنىڭ باستاماشىل توبى ساياباق اۋماعىنا 350 قاراعاي مەن 500 الما اعاشىن وتىرعىزدى.
جاسىل جەلەكتى كۇتۋ ءۇشىن سكۆاجينا جاسالدى، سۋارۋ جۇيەسى تارتىلدى. اعاشتاردىڭ 80%-ى اۆتوماتتى جۇيەنىڭ ارقاسىندا سۋارىلادى.
«جاسىل الماتى» اكسياسى اياسىندا «سوسنوۆىي» سكۆەرىندە، «زاپادنوە» زيراتىنىڭ بويىنا، ب.مومىش ۇلى كوشەسىنىڭ بويىنا 176 مىڭنان استام اعاش كوشەتى وتىرعىزىلدى. قاراعاي ورمانىنىڭ قارسى بەتىنە قايىڭ توعايى وتىرعىزىلدى، وندا 2،5 مىڭ اعاش بار. ارحەولوگتارمەن كەلىسىم بويىنشا ساق قورعانى اينالاسىنا 2 مىڭعا جۋىق اعاش وتىرعىزىلدى. «بورالداي» مەن «زەردەلى» شاعىناۋداندارىندا جاڭا ساياباقتار سالىنۋدا.