رەسەي فەدەراسياسىنىڭ مەملەكەتتىك دۋماسىنىڭ دەپۋتاتى الەكساندر سپيريدونوۆ وككۋلتيزم قىزمەتتەرىن جارنامالاۋعا تىيىم سالاتىن زاڭ جوباسىن دايىندادى.
ول بۇل قۇجاتتى شىلدە ايىندا مەملەكەتتىك دۋمانىڭ قاراۋىنا ۇسىنۋدى جوسپارلاپ وتىر، دەپ حابارلايدى Almaty-akshamy.kz Islam.kz-كە سىلتەمە جاساپ.
اتالمىش زاڭ جوباسىنا سايكەس وككۋلتتىك جانە سيقىرمەن، دۋالاۋمەن بايلانىستى قىزمەتتەردى جارنامالايتىندارعا ايىپپۇل سالىنادى. مۇنداي جات ارەكەتىمەن كوزگە تۇسكەن جەكەلەگەن تۇلعالار 4-20 مىڭ رۋبل، ال زاڭدى تۇلعالار 100-دەن 500 مىڭ رۋبلگە دەيىن تولەيدى. بۇل باعىتتاعى ساۋالناما ناتيجەسىنە سايكەس رەسەي ازاماتتارىنىڭ 60% -ى وككۋلتيزم قىزمەتتەرىن پايدالانادى جانە سيقىرشىلارعا سەنەدى. الەكساندر سپيريدونوۆ «پارلامەنتتىك گازەتكە» بەرگەن سۇحباتىندا سيقىرشىلاردىڭ، باقسىلاردىڭ، كورىپكەلدەردىڭ جانە ەكستراسەنستەردىڭ قىزمەتىن «الاياقتىق» دەپ اتادى. ولار رەسەي ازاماتتارىن اقشاسىن الداپ الىپ، پسيحيكالىق جانە فيزيولوگيالىق دەنساۋلىعىنا زيان كەلتىرۋدە.