ورىنبور قازاقتارى اتامەكەنگە تانىمدىق ساپارمەن كەلدى

«ورىنبور ايماقتىق قازاق-ۇلتتىق مادەني اۆتونومياسى» قوعامدىق ۇيىمىنىڭ بىرنەشە وكىلى قازاقستانعا كەلدى.

ولار اپتا سوڭىنا دەيىن ەلوردادا «وتانداستار قورى» ارنايى ۇيىمداستىرعان قازاقتىڭ ۇلتتىق مادەنيەتى، ادەت-عۇرپى جانە قازاق ءتىلى تاقىرىپتارىن قامتيتىن شەبەرلىك ساباقتارىنا قاتىسادى، دەپ حابارلايدى Almaty-akshamy.kz.

قانداسىمىز ايگەرىم بيجانوۆانىڭ ايتۋىنشا، قازاقستانعا كەلۋدەگى باستى ماقسات – ۇلتتىق قۇندىلىقتاردى جاقىنىراق تانىسا وتىرىپ، رەسەي قازاقتارى اراسىندا دارىپتەۋ.

ورىنبوردا 120 مىڭنان استام قازاق تۇرادى. «ايماقتىق قازاق-ۇلتتىق مادەني اۆتونومياسى» قوعامدىق ۇيىمى 2008 جىلى قۇرىلعان.

«ورىنبور قالاسىندا مادەني اۆتونوميا، ياعني مادەنيەت سالاسىنداعى ورتالىعىمىز بار. ءبىز ءقازىر ليسەنزيا الۋ ۇستىندەمىز. ءبىلىم سالاسى بويىنشا ورتالىق اشىلىپ جاتىر، تاعى 5 سالا بار. ءبىرىنشى سالا، ارينە، ءتىل. قازاق ءتىلى، دومبىرا كلاسى، بي جانە قازاقستان تاريحى، ءسالت-داستۇرى جاعىنان جانە قولونەر. وسىنداي 5 سالانى قامتيتىن ورتالىق اشىلىپ جاتقاندىقتان، وسىندا كەلۋدەگى ماقساتىمىز – تولىق اقپارات الۋ. ءوزىمىزدىڭ قازاقتار قالاي تۇردى، ساقتالعان قانداي سالت-داستۇرلەرى بار. ءبىزدىڭ سول بىلگەنىمىزدى ورىنبور قازاقتارىنا، جاسوسپىرىمدەرگە، ءوسىپ كەلە جاتقان ۇرپاعىمىزعا قالدىرۋ – ماقساتىمىز»، - دەيدى  «ورىنبور ايماقتىق قازاق ۇلتتىق مادەني اۆتونومياسى» قوعامدىق ۇيىمىنىڭ وكىلى ايگەرىم بيجانوۆا.