الماتىلىق دارىگەرلەر قىزىلورداداعى جارىلىستان زارداپ شەككەن بالالاردى امان الىپ قالدى
قىركۇيەكتىڭ 11-ىندە الماتى قالاسى بالالار جەدەل مەديسينالىق كومەك كورسەتۋ ورتالىعىنان قىزىلوردادا 2024 جىلعى شىلدەنىڭ 28-ىندە بولعان ورتتەن زارداپ شەككەن ەكى ءجاسوسپىرىم ۇيگە شىعارىلدى.
ەستەرىڭىزگە سالا كەتەيىك، 31 شىلدە مەن 1 تامىزدا جاعدايى وتە اۋىر ءتورت زارداپ شەككەن ءجاسوسپىرىم سانيتارلىق اۆياسيامەن شۇعىل تۇردە الماتىعا جەتكىزىلدى.
جاسوسپىرىمدەر 28.07.2024 ج. جەكە ءۇيدىڭ بىرىندە بولعان تابيعي گاز جارىلىسىنان قاتتى كۇيىك العان. العاشقى كەزەڭدە زارداپ شەككەندەر قىزىلوردا قالاسى وبلىستىق بالالار اۋرۋحاناسىنىڭ رەانتماسيا جانە قارقىندى تەراپيا بولىمىنە جاتقىزىلعان. ولاردىڭ ءومىرى اسا اۋىر جاعدايدا بولعان سوڭ الماتى قالاسى قوعامدىق دەنساۋلىق ساقتاۋ باسقارماسى جانە بجمككو ديرەكتورى ا.م.سماعۇلوۆپەن كەلىسە وتىرىپ، 31 شىلدە جانە 1 تامىزدا ولار سانيتارلىق اۆياسيامەن الماتى قالاسى شجق «بالالار جەدەل مەديسينالىق كومەك كورسەتۋ ورتالىعى» كمك-عا جەتكىزىلدى.
بۇگىن، ەمدەلۋدىڭ 42-كۇنى، ەكى ناۋقاس، 14 جاستاعى ۇل مەن قىز، اۋرۋحانادان ۇيگە شىعارىلدى. قازىرگى كەزەڭدە ولاردىڭ ەمدەلۋى تولىعىمەن اياقتالىپ، جاعدايى جاقسارىپ، ولار ۇيىنە قىزىلورداعا اتتانادى.
«ورتالىقتىڭ رەانيماتولوگتارى ەكى اپتا بويى جانساقتاۋ ءبولىمى جاعدايىندا ۇل بالانىڭ ءومىرى ءۇشىن كۇرەستى، ونىڭ جاعدايىن تۇراقتاندىرۋ ءۇشىن تاۋلىك بويى قارقىندى شوكقا قارسى تەراپيا جۇرگىزىلدى، سودان كەيىن ناۋقاس مامانداندىرىلعان كۇيىك بولىمىنە اۋىستىرىلدى. ءورت كەزىندە ءجاسوسپىرىم 79%/IIIAب-IV دارەجەلى تەرميالىق كۇيىك العان جانە II-III دارەجەلى كۇيىكتىك شوك شالعان»، - دەيدى الماتى قالاسى بالالار شۇعىل مەديسينالىق كومەك كورسەتۋ ورتالىعى ديرەكتورىنىڭ ورىنباسارى دىنمۇحاممەد رۋزۋددينوۆ.
جاسوسپىرىمدەر ءبىر ۇشاقتا جەتكىزىلدى، قىز بالا 31 شىلدەدە الماتى قالاسى بالالار جەدەل مەديسينالىق جاردەم ورتالىعىنا جاتقىزىلدى. ول 9 كۇن جانساقتاۋ بولىمىندە جاتىپ، دارىگەرلەر كۇيىك اۋرۋىمەن تاۋلىك بويى كۇرەسكەن. جاعدايدى تۇراقتاندىرۋ ءۇشىن شوكقا قارسى قارقىندى تەراپيا دا جۇرگىزىلدى. ناۋقاسقا 55%IIIABءبى تەرميالىق كۇيىك، II-III دارەجەلى كۇيىكتىك شوك دياگنوزى قويىلدى.
ەكى پاسيەنتكە دە ورتالىقتىڭ كومبۋستيولوگتارى رادجا جۇمادىلدايەۆ پەن گۇلشارات جۇسىپقالييەۆا تەرىنى اۋىستىرىپ ورنالاستىرۋ (اۋتودەرموپلاستيكا) وتاسىن جاسادى.
«بالالار شۇعىل مەديسينالىق كومەك كورسەتۋ ورتالىعىندا بولعان ۋاقىتتا ولارعا جەكە دارىگەرلىك پوست قامتاماسىز ەتىلدى. بۇگىندە ەكى ناۋقاستىڭ جاعدايى قاناعاتتانارلىق دەپ باعالانادى، وتادان كەيىنگى كەزەڭ اسقىنۋسىز ءوتتى، ترانسپلانتاتتار تولىعىمەن تامىر تارتتى. ەندى بالالار تۇرعىلىقتى جەرىندە باقىلانادى، ولارعا كۇتىم جاساۋ جانە ودان ءارى وڭالتۋ بويىنشا بارلىق ۇسىنىس بەرىلدى»، - دەيدى بالالار شۇعىل مەديسينالىق كومەك كورسەتۋ ورتالىعىنىڭ كۇيىك ءبولىمىنىڭ مەڭگەرۋشىسى، الماتى قالاسىنىڭ باس شتاتتان تىس بالالار كومبۋستيولوگى رادجا جۇمادىلدايەۆ.
ورتالىقتىڭ حابارلاۋىنشا، قىزىلوردادا تابيعي گاز جارىلىسىنان زارداپ شەككەن تاعى ەكى ناۋقاس اۋرۋحانادا ءالى دە ەم الىپ جاتىر. دارىگەرلەر ولاردىڭ جاعدايىن تۇراقتى اۋىر دەپ باعالاپ وتىر. جاسوسپىرىمدەردىڭ بىرىنە كەزەڭدىك اۋتودەرموپلاستيكا وتاسىن جاساۋ جوسپارلانعان.