بۇدان بۇرىن ءبىر ءۇيدىڭ 5 بالاسى ورتتەن كوز جۇمعانىن حابارلاعانبىز.
بالا قۇقىقتارى جونىندەگى ۋاكىل دينارا زاكييەۆا ءجىتىقاراداعى تراگەدياعا قاتىستى مالىمدەمە جاسادى، دەپ حابارلايدى aqshamnews.kz
قوستاناي وبلىسى ءجىتىقارا قالاسىندا ورتتەن قازا تاپقان بالالاردىڭ جاقىندارىنا پسيحولوگيالىق كومەك كورسەتىلەدى.
"ءورت سوندىرۋشىلەر ءورتتى تاڭعى ساعات 06:08-دە سوندىرگەن. ءتىلسىز جاۋ باستالعاندا ۇيدە 2011، 2016، 2018، 2019، 2022، 2023 جىلى تۋعان التى بالا اتا-اناسىنىڭ قاراۋىنسىز وتىرعان. الدىن الا مالىمەت بويىنشا، بالالاردىڭ اناسى كەشكە تانىسىنىڭ ۇيىنە كەتكەن، ال جۇبايى جازاسىن وتەۋ مەكەمەسىندە. وڭىرلىك ۋاكىل وقيعا ورنىندا. پسيحولوگتار بالالاردىڭ تۋىستارىنا قاجەتتى پسيحولوگيالىق كومەكتى كورسەتىپ جاتىر. اتا-انا مەن جاقىندارىنا كوڭىل ايتامىن"، - دەپ جازدى دينارا زاكييەۆا.
وبلىس پروكۋراتۋراسى قايتىس بولعان بالالاردىڭ تۋىستارى مەن جاقىندارىنا كوڭىل ايتادى. بۇل فاكتىگە قاتىستى سوتقا دەيىنگى تەرگەۋ باستالدى، ءورتتىڭ الدىن الا سەبەبى – پەشتى قاراۋسىز قالدىرۋ. وقيعا ورنىنا وبلىس پروكۋرورىنىڭ ءبىرىنشى ورىنباسارى ب.ا. بەكبوسىنوۆ باردى. سوتقا دەيىنگى تەرگەپ-تەكسەرۋ بارىسى قازاقستاننىڭ باس پروكۋرورىنىڭ باقىلاۋىنا الىندى، - دەپ مالىمدەدى وبلىس پروكۋراتۋراسىنان.