پرەمەر-مينيستر ءاليحان سمايىلوۆ اباي وبلىسىنداعى ءىرى تابيعي ءورتتى جويۋ جانە ودان زارداپ شەككەن وتباسىلارعا قاجەتتى قولداۋ شارالارىن كورسەتۋ ماسەلەلەرى جونىندە جەدەل كەڭەس وتكىزدى.
بۇل تۋرالى ۇكىمەتتىڭ باسپا ءسوز قىزمەتىنەن ءمالىم ەتتى، دەپ حابارلايدى Almaty -akshamy. kz
توتەنشە جاعدايلار ءمينيسترى سىرىم ءشارىپحانوۆ اباي وبلىسىنداعى جاعدايدى باياندادى. ورمانداعى ءورت جەلدىڭ اسەرىنەن وڭتۇستىككە باعىت العان. ءمينيستردىڭ ايتۋىنشا، تۇندە ءورتتى ءسوندىرۋ جۇمىستارى ءۇش باعىتتا ءجۇردى: وڭتۇستىك، باتىس جانە سولتۇستىك-شىعىس. وسىنىڭ ارقاسىندا نەگىزگى وشاق ءىس جۇزىندە قورشاۋعا الىندى. 12 ماۋسىمدا تاڭعى ساعات 06:00-دەن باستاپ ءورت ءسوندىرۋ جۇمىستارى قايتا باستالدى. قازىرگى ۋاقىتتا 1 530 ادام، 320 تەحنيكا جانە 14 تىكۇشاق جۇمىلدىرىلعان.
سونداي-اق اباي وبلىسىنىڭ اكىمى قازىرگى جاعداي تۋرالى نۇرلان ۇرانحايەۆ بايانداما جاسادى.
ۇكىمەت باسشىسى وقيعاعا بايلانىستى 10 كۇننىڭ ىشىندە قورىتىندى جاساۋعا تاپسىرما بەردى جانە اباي وبلىسىنداعى جەدەل شتاب وتىرىسىندا بەرگەن تاپسىرمالارىن ورىنداۋ ءۇشىن قازا تاپقانداردىڭ وتباسىلارىنا «قازاقستان حالقىنا» قورىنان 7 ملن تەڭگەدەن، سونداي-اق كامەلەتكە تولماعان ءار بالاعا 2 ملن تەڭگەدەن تولەنەتىن ايتتى.
سونىمەن قاتار 40-تان استام قازاقستاندىق جوو ورتتەن زارداپ شەككەن وتباسىلاردىڭ ستۋدەنتتەرىنە گرانتتار مەن جاتاقحانادان ورىن بەرۋگە دايىن. وعان قوسا اقىلى نەگىزدە وقيتىن ستۋدەنتتەر مەن ماگيسترانتتاردى گرانتقا اۋىستىرۋ كوزدەلگەنىن اتاپ ءوتتى.