تەڭىز استىنداعى 100 كۇن

فلوريدالىق بيومەديسينالىق ينجەنەر دجوزەف ديتۋري 100 كۇنىن تەڭىزدىڭ استىندا وتكىزدى.
ءسويتىپ، سۋ استىندا ءومىر سۇرۋدەن جاڭا رەكورد ورناتىپ، بۇگىن جەر بەتىنە شىقتى. زەرتتەۋشى تەڭىز تۇبىندەگى ارنايى تۇراققا ناۋرىزدا ءتۇسىپ، ءۇش جارىم ايعا جۋىق ءومىر سۇرگەن،  دەپ  حابارلايدى Almaty -akshamy. kz
24.kz اقپاراتى  بويىنشا،  زەرتتەۋشى وسى ارالىقتا مەديسينالىق جانە سۋ استى  زەرتتەۋلەرىن جۇرگىزىپ،  وڭتۇستىك فلوريدا ۋنيۆەرسيتەتىنىڭ ستۋدەنتتەرىنە ءدارىس تە وقىعان. دەسە دە نەگىزگى زەرتتەۋ تاقىرىبى ۇزاق مەرزىمدى ەكسترەمالدى قىسىم مەن وقشاۋلانعان ورتانىڭ ادام اعزاسىنا اسەرىن باقىلاعان. سەبەبى، بۇل تاجىريبە بولاشاقتا ءتۇپسىز تۇڭعيىققا جاسالاتىن زەرتتەۋلەر ءۇشىن پايدالى بولماق دەيدى ماماندار.
ايتا كەتەيىك، بۇعان دەيىن سۋ استىنداعى قوسىندا ەڭ ۇزاق ءومىر ءسۇرۋ رەكوردى 2014 جىلى بولعان. ول كەزدەگى رەكورد 73 كۇن ەدى. ال دجوزەف ديتۋري تەڭىز استىندا تۋرا 100 كۇن ءومىر ءسۇردى. 
«ماقساتىم ەشقاشان رەكورد ورناتۋ بولعان ەمەس. بۇل قۇمعا سىزىق سىزعان سەكىلدى قيىن بولسا دا سۋ استى الەمىندە ادامنىڭ توزىمدىلىگىن كەڭەيتۋ، وقشاۋلانعان، شەكتەۋلى، ەكسترەمالدى ورتاعا قالاي بەيىمدەلەتىنىن كورۋ كەرەك بولدى»،  - دەيدى  بيومەديسينالىق  ينجەنەر  دجوزەف ديتۋري.