2024 جىلعى 10 قىركۇيەكتە قازاقستان رەسپۋبليكاسىنىڭ ورتالىق رەفەرەندۋم كوميسسياسى ەلەكتورالدىق وقىتۋ ورتالىعىنىڭ الاڭىندا ساياسي پارتيالاردىڭ، ولاردىڭ فيليالدارىنىڭ، رەسپۋبليكالىق جانە وڭىرلىك ۇكىمەتتىك ەمەس ۇيىمداردىڭ، سونداي-اق بۇقارالىق اقپارات قۇرالدارىنىڭ وكىلدەرى ءۇشىن «رەسپۋبليكالىق رەفەرەندۋمدى ازىرلەۋ مەن وتكىزۋدىڭ ەرەكشەلىكتەرى» تاقىرىبىندا ونلاين-سەمينار وتكىزدى.
سەمينار اعىمداعى جىلدىڭ 6 قازانىنا تاعايىندالعان رەسپۋبليكالىق رەفەرەندۋمعا دايىندىق جانە ونى وتكىزۋ جونىندەگى قازاقستان رەسپۋبليكاسى ورتالىق رەفەرەندۋم كوميسسياسىنىڭ ءىس-شارالار جوسپارىنا سايكەس ۇيىمداستىرىلدى. سونىمەن قاتار، 2024 جىلى سايلاۋ پروسەسىنە قاتىسۋشىلاردى وقىتۋدى ۇيىمداستىرۋ جونىندەگى ورتالىق سايلاۋ كوميسسياسىنىڭ ءىس-شارالار جوسپارى دا نەگىزگە الىندى.
سەميناردا ق ر ورك ءتوراعاسىنىڭ ورىنباسارى كونستانتين پەتروۆ، ورتالىق رەفەرەندۋم كوميسسياسىنىڭ مۇشەلەرى ءسابيلا مۇستافينا، اناستاسيا ششەگورسوۆا، اسىلبەك سماعۇلوۆ ءسوز سويلەدى.
ولار رەفەرەندۋمدى ازىرلەۋ مەن وتكىزۋدىڭ قۇقىقتىق نەگىزدەرى جانە پراكتيكالىق ەرەكشەلىكتەرى تۋرالى بايانداپ، رەفەرەندۋم تۋرالى زاڭنامانىڭ جاڭاشىلدىقتارى، ناۋقاننىڭ مەرزىمدەرى مەن كەزەڭدەرى، كوميسسيالاردىڭ وكىلەتتىكتەرى، رەفەرەندۋمدى قارجىلاندىرۋ ماسەلەلەرى، ازاماتتاردى رەفەرەندۋمعا قاتىسۋشىلار تىزىمىنە ەنگىزۋ، ۇگىت-ناسيحات جۇرگىزۋ، قوعامدىق بايقاۋ جانە ساۋالنامالاردىڭ تالاپتارى، سونداي-اق مۇگەدەكتىگى بار ازاماتتاردىڭ سايلاۋ قۇقىقتارىن قامتاماسىز ەتۋ ماسەلەلەرىنە ەرەكشە نازار اۋداردى.
سونىمەن قاتار، ق ر ەنەرگەتيكا مينيسترلىگىنىڭ اتوم ەنەرگەتيكاسى جانە ونەركاسىبى دەپارتامەنتى ديرەكتورىنىڭ ورىنباسارى گۇلميرا مۇرسالوۆا قازاقستانداعى ەنەرگيا قاۋىپسىزدىگىن قامتاماسىز ەتۋدەگى اەس-تىڭ ءرولى جانە ەلىمىزدەگى اتوم ونەركاسىبىنىڭ بولاشاعى تۋرالى تولىق مالىمەت بەردى.
سپيكەرلەردىڭ باياندامالارىنان كەيىن قاتىسۋشىلاردان 50-گە جۋىق سۇراق قويىلىپ، ولاردىڭ بارلىعىنا تولىق جاۋاپ بەرىلدى. سەمينارعا 300 ادام قاتىسىپ، ونلاين-ترانسلياسيا 1000-نان استام قارالىم جينادى.
رەفەرەندۋم قاتىسۋشىلارىنىڭ وسى ساناتتارى ءۇشىن وقىتۋ شارالارىن وڭىرلىك دەڭگەيدە اۋماقتىق رەفەرەندۋم كوميسسيالارى ۇيىمداستىراتىن بولادى.