بيۋللەتەندەر 28 مامىرعا دەيىن دايىندالۋى ءتيىس
وبلىستاردىڭ، نۇر-سۇلتان، الماتى، شىمكەنت قالالارى اكىمدىكتەرىنىڭ، رەسپۋبليكا بويىنشا جەرگىلىكتى اتقارۋشى ورگانداردىڭ وكىلدەرى ۇسىنعان مالىمەتتەر مەن ەسەپتەرگە سايكەس، تىزىمدەرگە 11 722 536 ادام ەنگىزىلدى، دەپ حابارلايدى Almaty-akshamy.kz Referendum2022_kz-كە سىلتەمە جاساپ.
2022 جىلعى 5 ماۋسىمعا تاعايىندالعان رەسپۋبليكالىق رەفەرەندۋم وتكىزۋ كەزىندە داۋىس بەرۋگە ارنالعان بيۋللەتەندەردى دايىنداۋدىڭ كەيبىر ماسەلەلەرى تۋرالى» ورتالىق رەفەرەندۋم كوميسسياسىنىڭ قاۋلىسىمەن داۋىس بەرۋگە ارنالعان بيۋللەتەندەر ءبىر پايىز رەزەرۆپەن رەفەرەندۋمعا قاتىسۋعا قۇقىعى بار ازاماتتاردىڭ تىزىمىنە ەنگىزىلگەن سانعا تەڭ مولشەردە دايىندالادى دەپ بەلگىلەنگەن.
11 839 761 كولەمىندە داۋىس بەرۋگە ارنالعان بيۋللەتەن شىعارىلۋى ءتيىس. بەلگىلەنگەن مولشەردە داۋىس بەرۋگە ارنالعان بيۋللەتەندەردى دايىنداۋ جانە رەفەرەندۋم ۋچاسكەلەرىنە زاڭنامادا كوزدەلگەن مەرزىمدە جەتكىزۋ وبلىستىق، رەسپۋبليكالىق ماڭىزى بار قالالار مەن ەلوردانىڭ رەفەرەندۋم كوميسسيالارىنا تاپسىرىلادى.
اۋماقتىق رەفەرەندۋم كوميسسيالارى بيۋللەتەندەردى رەفەرەندۋم ۋچاسكەلەرىنە جەتكىزۋ ءۇشىن بەلگىلەنگەن مولشەردە داۋىس بەرۋگە ارنالعان بيۋللەتەندەردى دايىنداۋدى 2022 جىلعى 28 مامىرعا دەيىن قامتاماسىز ەتۋگە ءتيىس.