وسى جازدا حالىقتىڭ الەۋمەتتىك وسال توپتارىنان (ءحاوت) 10 مىڭعا جۋىق بالاعا ورتالىق مادەنيەت جانە دەمالىس ساياباعىنداعى اتتراكسيوندار تەگىن بولدى. ەسكە سالساق، 17 شىلدەدە ءحاوت ساناتىنان الماتىدا تۇراتىن بالالارعا تەگىن كارتوچكالار بەرۋ اكسياسى باستالدى. بۇل شەشىمدى الماتى اكىمدىگى ساياباق اكىمشىلىگىمەن بىرلەسىپ قابىلدادى، دەپ حابارلايدى almaty-akshamy.kz
اكسيا باستالعاننان بەرى كارتوچكالاردى 6 جاستان 14 جاسقا دەيىنگى بالالار پايدالاندى. ولاردىڭ ىشىندەگى ەڭ تانىمال اتتراكسيوندار «سەپوچكا»، «كولەسو وبوزرەنيا»، «وربيتا» جانە «ۆەسەلىە گوركي» بولدى.
ايتا كەتەيىك، بۇل اكسيانى باسقا دا كوممەرسيالىق نىساندار قولدادى – ءبىر اي بويى بالالارعا ساياباقتا بالمۇزداق تەگىن تاراتىلدى.
سونىمەن قاتار، فۋتبول، باسكەتبول الاڭى، سكەيت-پارك، روللەردروم، ۇستەل تەننيسى جانە ۆوركاۋت الاڭدارى دا تەگىن بولدى. بالالار ءۇشىن ءار سەنبى جانە جەكسەنبى كۇندەرى بالالار قالاشىعىنىڭ ساحناسىندا ەكى ساعاتتىق شوۋ-باعدارلامالار كورسەتىلەدى. ساياباق اكىمشىلىگى بارلىق ءىس-شارالاردى وتكىزۋگە كەتەتىن شىعىنداردى وزدەرى كوتەردى.
بۇل اكسيا اعىمداعى جىلدىڭ تامىز ايىنىڭ سوڭىنا دەيىن وتەدى. كارتوچكالاردى الۋ ءۇشىن «التىن تاراز» ج ش س كەڭسەسىنە گوگول كوشەسى، 1 مەكەنجاي بويىنشا (ومدس اۋماعىندا) حابارلاسۋ قاجەت. وزىمەن بىرگە بالانىڭ تۋۋ تۋرالى كۋالىگى (كوشىرمەسى نەمەسە ەلەكتروندى تۇردە) بولۋى مىندەتتى. انىقتاما تەلەفونى: +7 (705) 892-75-24.
