ورتالىق ازيا مەديافورۋمى – مەديا سالاسىنىڭ دامۋ تەندەنسيالارى مەن پەرسپەكتيۆالارىن تالقىلاۋعا، تاجىريبە الماسۋعا، ايماقتاعى باق-تى دامىتۋ مەن نىعايتۋ ءۇشىن جاعداي جاساۋعا ارنالعان ورتالىق ازياداعى جەتەكشى الاڭ.
استانادا 20-21 جەلتوقساندا ورتالىق ازيا مەديا فورۋمى وتەدى، دەپ حابارلايدى Almaty-akshamy.kz.
جيىنعا نوبەل جانە پۋليتسەر سىيلىقتارىنىڭ لاۋرەاتتارى، ساياساتكەرلەر مەن مەملەكەتتىك ۇيىمداردىڭ وكىلدەرى، تانىمال جۋرناليستەر مەن ساراپشىلار قاتىسادى. ولار جاڭا مەديانى دامىتۋ، اقپاراتتىق قاۋىپسىزدىكتى قامتاماسىز ەتۋ ءۇشىن ايماقتىق جانە جاھاندىق ىنتىماقتاستىق مۇمكىندىكتەرى، مەديا جۇمىسىنداعى جاساندى ينتەللەكت تەحنولوگيالارى، ورتالىق ازياداعى كرەاتيۆتى يندۋستريانى دامىتۋ، ازاماتتىق قوعام مەن ىسكەرلىك قاتىناستاردى دامىتۋداعى مەديانىڭ قازىرگى ءرولى تاقىرىبىندا پىكىرلەرىن ورتاعا سالادى.
بيىلعى مەديافورۋمنىڭ حەدلاينەرلەرى: ءانشى ديماش قۇدايبەرگەن، YouTube-تا تانىمال «D Billions» مۋزىكالىق توبى، اكتەر، اتى اڭىزعا اينالعان امەريكالىق بوكسشى كىشى روي دجونس.
شارا ەلورداداعى Ritz-Carlton قوناقۇيىندە ۇيىمداستىرىلادى.