ءبىزدىڭ بانكتەر تاعى ءبىر كليەنت تولقىنىن كۇتىپ وتىر. Google Play-دەن رەسەيلىك MIR pay كارتاسىنىڭ كوزىن قۇرتىپ جاتىر. ال Samsung Pay 3ء-شى ساۋىردەن باستاپ Mir كارتاسىن قولدامايدى، دەپ حابارلايدى اlmaty-akshamy.kz.
كارتانى قازاقستاننان-اق اشىپ الىپ، قولدانا بەرۋگە بولادى عوي، دەگىڭىز كەلىپ تۇر عوي... الايدا، رەسەيلىك Banksta تەلەگرام ارناسى UBS مەن Credit Suisse سانكسيادان قاۋىپتەنىپ، ەكى ەلدىڭ ازاماتتىعى بار (شۆەيساريالىق جانە رەسەيلىك) ادامداردىڭ شوتتارىن جابا باستاعانىن جازادى.
ارينە، قازاقستاندىق بانكتەردى شۆەيساريالىق بانكتەرمەن سالىستىرۋعا كەلمەس، ايتكەنمەن، سوعىس ودان ءارى سوزىلۋدا، دەمەك ورتالىق ازيا ەلدەرىنىڭ بانكتەرى دە سانسيا زاردابىن تارتۋى ابدەن مۇمكىن. بۇعان ارينە، سانكسيا سالىنباعان كومپانيالارعا قىزمەت كورسەتەتىن قازاقستان مەن رەسەي اراسىندا كورپوراتيۆتىك وپەراسيالاردى جۇزەگە اسىراتىن بانكتەردى قوسىپ وتىرعان جوقپىز.
جۇڭگو، ءباا مەن تۇركيا ەلىنىڭ بانكتەرى سوڭعى اپتادا سانكسيانى ساقتاۋ تالاپتارىن كۇشەيتكەن. بۇل وقيعا مۇناي جەتكىزۋ ىسىندە رەسەيگە اقشا اۋدارۋدىڭ كەشىگۋىنە نەمەسە باس تارتۋىنا الىپ كەلدى، - دەپ حابارلادى Reuters.
باا-دەگى First Abu Dhabi Bank جانە Dubai Islamic Bank رەسەيلىك تاۋارلاردىڭ ساۋداسىنا قاتىستى بىرنەشە ەسەپشوتتى بۇعاتتادى. باا-دەگى Mashreq بانكى، تۇرىكتىڭ Ziraat جانە Vakifbank-تەرى، سونداي-اق قىتايلىق ICBC مەن Bank of China تولەمدەردى وڭدەۋ وتە قيىنعا ءتۇسىپ جاتقانىن ايتادى.
تۇرىك بانكتەرى قوسالقى سانكسيادان قاۋىپتەنىپ، رەسەيدەن كەلگەن تولەمدەردى قابىلداماي جاتىر،-دەپ جازادى Dünya. ەكسپورتەرلار جىل باسىنان بەرى اقشالارىن الا الماي جاتقان كورىنەدى. ال بيلىك بولسا، بۇعان «فورس-ماجورلىق جاعداي» دەپ باعا بەرۋدە.