الماتىنىڭ جەتىسۋ اۋدانىندا 2023 جىلى «حالىق قاتىساتىن بيۋدجەت» باعدارلاماسى بويىنشا 40 جوبا جۇزەگە اسىرىلدى
الماتىنىڭ جەتىسۋ اۋدانىندا جاياۋ جۇرگىنشىلەر-سەرۋەندەۋ جانە ساياباق ايماقتارىن جايلاستىرۋ، بالالار الاڭدارىن جوندەۋ، تروتۋارلاردى، پاندۋستاردى، ارىقتاردى سالۋ جانە جوندەۋ، دىبىس وتكىزبەيتىن ەكراندار ورناتۋ بويىنشا جاڭا جوبالار جۇزەگە اسىرىلادى. «حالىق قاتىساتىن بيۋدجەت» باعدارلاماسى بويىنشا 2024 جىلى وسى ماقساتقا 2 ملرد تەڭگە ءبولىندى. بۇل تۋرالى الماتى اكىمى ەربولات دوسايەۆ جەتىسۋ اۋدانىنىڭ تۇرعىندارىمەن ەسەپ بەرۋ كەزدەسۋىندە مالىمدەدى.
قالا باسشىسى 2023 جىلى وسى باعدارلاما بويىنشا 40 جوبا ىسكە اسىرىلعانىن جەتكىزدى، اتاپ ايتقاندا، سەرىكوۆ، كرىجيسكيي، ستانيسلاۆسكيي، سەرالين كوشەلەرىندەگى اۋلالار مەن بالالار الاڭدارىن اباتتاندىرۋ، سولتۇستىك اينالما جولى، جايسان، بوكەيحانوۆ كوشەلەرىندەگى سكۆەرلەر مەن جاياۋ جۇرگىنشىلەر ايماقتارىن سالۋ، قۇلاگەر، كوكجيەك، كوكمايسا، اينابۇلاق شاعىن اۋداندارىندا، جۇمىسشى كەنتىندە تەرەڭدەتىلگەن قوقىس كونتەينەرلەرىن ورناتۋ، قۇلاگەر شاعىن اۋدانىندا سكەيت جانە پاركۋر الاڭىن سالۋ، كەڭسۋات، قارتقوجا، ءالقيسا كوشەلەرىندەگى، رايىمبەك داڭعىلىنداعى جاياۋ جۇرگىنشىلەر كوپىرلەرىن اباتتاندىرۋ.
ەستەرىڭىزگە سالا كەتەيىك، «حالىق قاتىساتىن بيۋدجەت» باعدارلاماسى ازاماتتاردىڭ جەرگىلىكتى بيۋدجەت قاراجاتىن بولۋگە قاتىسۋىن كوزدەيدى. تۇرعىنداردىڭ وزدەرى اباتتاندىرۋ يدەياسىن ۇسىنادى، ولاردى جوبا دەڭگەيىنە دەيىن پىسىقتايدى جانە ونلاين داۋىس بەرۋ ارقىلى جەڭىمپازداردى ىرىكتەيدى. «حالىق قاتىساتىن بيۋدجەتتىڭ» كەز كەلگەن ماسەلەسى بويىنشا قالا تۇرعىندارى اۋدان اكىمدىگىندە، 1308 تەلەفونى نەمەسە budget.open-almaty.kz سايتى ارقىلى Open Almaty اكىمدىگىنىڭ قوعامدىق قابىلداۋ بولمەسىندە كەڭەس الا الادى.