الماتى وبلىسى تجد كەزەكشى بولىمىنە قونايەۆ قالاسىنىڭ 2 ىقشام اۋدانىندا كوپپاتەرلى ءتورتقاباتتى التى كىرەبەرىستى تۇرعىن ۇيدە پاتەردە ءورت شىعىپ، كەيىن وت شاتىرعا اۋىسقانى تۋرالى حابارلاما كەلىپ ءتۇستى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
قابىرعالارى پانەلدى (بەتون)، توبەسى جۇمساق، ۇستىنە اعاش كەسىلگەن مەتالل بەيىنى ورناتىلعان، جىلىتۋ ورتالىقتاندىرىلعان، ورتالىقتاندىرىلعان گازبەن جابدىقتالماعان.ءورت ورنىنا دەرەۋ الماتى وبلىسى تجد كۇشتەرى مەن قۇرالدارى جىبەرىلدى.
قونايەۆ قالاسىنداعى ەڭ جاقىن ءورت ءسوندىرۋ بولىمىنەن قاشىقتىق 2.5 كيلومەتردى قۇرايدى. ەڭ جاقىن ءورت ءسوندىرۋ گيدرانتى الماتى جانە قويشىمانوۆ كوشەلەرىنىڭ قيىلىسىندا 300 مەتر قاشىقتىقتا ورنالاسقان.
ءبىرىنشى ءبولىم كەلگەن كەزدە كوپپاتەرلى تۇرعىن ءۇيدىڭ شاتىرى تولىعىمەن وتقا وراندى.
شاتىردىڭ ليۋكتەرى جابىق بولۋى ءورتتى سوندىرگە كەدەرگى كەلتىرگەندىكتەن، ونى بۇزۋعا تۋرا كەلدى (قۇلىپتارمەن قۇلىپتاعان) سونداي-اق اعاش تاقتايشانىڭ ۇستىندەگى مەتالل شاتىرى قيىنداتتى.
«ءورت شىققان پاتەردەن گاز باللوندار كوشەگە شىعارىلىپ، ولاردىڭ جارىلۋىنا جول بەرىلمەدى. جەكە قۇرامنىڭ كۇشىمەن پاتەرلەردەن كوشەگە 20 گاز باللون شىعارىلدى. ەۆاكۋاسيالانعان تۇرعىنداردىڭ جالپى سانى 210 ادام، ونىڭ ىشىندە 160 ادام وزدىگىنەن ەۆاكۋاسيالاندى، ورتكە قارسى قىزمەت قىزمەتكەرلەرى 50 ادامدى، ونىڭ ىشىندە 10 بالا ەۆاكۋاسيالادى. مەديسينالىق كومەككە مۇقتاج ەمەس.ءورت ساعات 04:47-دە وقشاۋلانىپ، ساعات 06:00-دە ءسوندىرىلدى. قايتىس بولعاندار مەن زارداپ شەككەندەر جوق.ءورتتىڭ شىققانى كەشىكتىرىلىپ حابارلانۋى ءورتتىڭ تارالۋىنا سەبەپ بولدى. ءورتتىڭ سەبەبىن انىقتاۋ ءۇشىن الماتى وبلىسى تجد انىقتاۋ ءبولىمىنىڭ جانە زەرتتەۋ سىناق ءورت زەرتحاناسىنىڭ قىزمەتكەرلەرى وقيعا ورنىندا جۇمىس جۇرگىزۋدە»، - دەپ حابارلادى تجد دەپارتامەنتىنىڭ باسپا ءسوز قىزمەتى.
ءورت سوندىرۋگە الماتى وبلىسى تجد 50 قىزمەتكەر مەن 12 بىرلىك تەحنيكا، جەرگىلىكتى اتقارۋشى ورگانداردان 8 ادام جانە 4 بىرلىك تەحنيكا، № 65476 جب 4 قىزمەتكەر جانە 2 بىرلىك تەحنيكا، جەرگىلىكتى پوليسيا قىزمەتىنەن 30 قىزمەتكەر جانە 8 بىرلىك تەحنيكا، ەكى بريگادا جانە 4 قىزمەتكەردەن قۇرالعان جەدەل مەديسينالىق جاردەم بريگاداسى جۇمىلدىرىلدى.
الماتى وبلىسى تجد قاۋىپسىزدىك ەرەجەلەرى بويىنشا، گاز جانە گازبەن جابدىقتاۋ تۋرالى زاڭعا سايكەس ەكى قاباتتان جوعارى عيماراتتاردا گاز باللوندارىن پايدالانۋعا جول بەرىلمەيتىنىن ەسكە سالدى. ەگەر ءۇيدىڭ ءۇش جانە ودان دا كوپ قاباتى بولسا، وندا گاز باللوندارىن پايدالانۋعا تىيىم سالىنعان.